ސިގައިންގެ ހާއްސަ ތަމުރީނުތަކެއް މާލެ އަދި ހުޅުމާލޭގައި ފަށާނެ ކަމަށް މިނިސްޓްރީ އޮފް ޑިފެންސުން ހާމަކޮށްފިއެވެ.
އެމްއެންޑީއެފުން ކުރިއަށް ގެންދާ އަސްކަރީ ތަމުރީނުތަކާއި ގުޅޭގޮތުން ޑިފެންސް މިނިސްޓްރީން ވަނީ އިއުލާނެއް ނެރެފައެވެ.
އެގޮތުން އެ އިއުލާނުގައި ބުނެފައިވަނީ އިނގިރޭސިވިލާތުގެ ރޯޔަލް މިލިޓަރީ ޕޮލިހާއި، މޯލްޑިވްސް ނޭޝަނަލް ޑިފެންސް ފޯސް (އެމް.އެން.ޑީ.އެފް) ގުޅިގެން އަސްކަރީ ތަމްރީނުތަކެއްގައި 2023 ފެބްރުވަރީ 01 އިން 09 އަށް މާލެ، ހުޅުމާލެ ފޭސް 01 އަދި 02 ގެ އެކިއެކި ލޮކޭޝަންތަކުގައި ޙަރަކާތްތަކެއް ކުރިއަށް ގެންދަންވަނީ ހަމަޖެހިފައި ކަމަށެވެ.
މިހަރަކާތްތަކުގައި ހަތިޔާރާއެކު ސިފައިން ޙަރަކާތްތެރިވާނެ ކަމުގައިވެސް ޑިފެންސް މިނިސްޓްރީން ހާމަކުރެއެވެ.
