ބުޅަލުގެ މަސް އާންމުކޮށް ޗައިނާ ހިސާބުތަކުގައި ކައިއުޅެއެވެ. އެހެންނަމވެސް މުސްލިމްހިސާބުތަކުގައި މި މަސް ކައިއުޅޭކަން ސީދާކޮށް އެނގޭކަށް ނެތެވެ.
ބުޅަލަކީ ވަރަށް ގިނަ ބަޔަކު އޮޅުކޮށްގެން ގެންގުޅޭ ޖަނަވާރެއް ކަމުން އޭގެ މަސް ކާ ވާހަކައަކީ ގިނަ ބަޔަކަށް އަޑުއަހަން ފަސޭހަ ވާހަކައަކަށް ނުވާނެއެވެ. ޙާއްސަކޮށް ރާއްޖެ ފަދަ ޤައުމެއްގައި މިފަދަ ވާހަކައެއް އަޑުއިވުމަކީ ގިނަ ބައެއްގެ ހިތްތަކުގައި ބޮޑު ބިރުވެރިކަމެއް އުފެދުނު ކަމެކެވެ.
ބުޅާ އޮޅުކޮށްގެން ގެންގުޅުނު ނަމަވެސް އަޅާލުމެއްނެތި މަގުމައްޗަށް ދޫކޮށްލެވިފައިވާ ބުޅަލުގެ އަދަދުވެސް ވަކި ނިސްބަތުން މަދެއް ނޫނެވެ. ބޭރުގެ ބައެއް ޤައުމުތަކުގައި މިފަދަ ބުޅާތައް ހިފައިގެން ކައްކާ ކައި އުޅެއެވެ. މިއީ ހަގީގަތުގައި ވަރަށް ނުރައްކާތެރި ކަމެކެވެ.
ހަގީގީ ނަޒަރަކުން ބަލާއިރު، ބުޅާ މަސް ކެއުމަކީ ސިއްހަތަށް ނުރައްކާވެދާނެ ކަމެކެވެ. ސަބަބަކީ ބުޅަލުގެ ޒަރިއްޔާއިން ބައެއް ބަލިތައް އިންސާނުންނަށް ފެތުރޭތީ އެވެ. އޭގެތެރޭގައި ހިމެނޭ ޓޮކްސޮޕްލާސްމޯސިސް، ކެޓް ރައުންޑްވޯމް އަދި ކެޓް ސްކްރެޗް ޑިޒީޒް އަކީ ބުޅާ އަދި ގެންގުޅޭ އެހެނިހެން ޕެޓްސްގެ ޒަރިއްޔާއިން ޖެހޭ ބަލިތަކެވެ. އަދި މި ބަލިތައް އިންސާނުންގެ ގަޔަށް އަރާއިރު ބައެއް ފަހަރު ސިއްޙީ ގޮތުން ބޮޑެތި ގެއްލުންތަކެއް ވެސް ލިބެއެވެ.
ޓޮކްސޮޕްލާސްމޯސިސް އަކީ ޕެރަސައިޓް ޓޮކްސޮޕްލާސްމާ ގޮންޑީގެ ސަބަބުން ޖެހޭ ބައްޔެކެވެ. މިއީ ބުޅަލަށް ބަރޯސާވާ އެންމެ ސީރިއަސް ބައްޔެވެ. އަލަށް މިބަލި ޖެހިފައިވާ ބޅަލުގެ ބޮޑުކަމުދާ ތަކެތީގައި އެތައް މިލިއަން ޓީ ގޮންޑީ އޯސިސްޓްތއް ހުންނައިރު، މިއީި މާހައުލުގައި އެތައް މަހެއް ވަންދެން ދެމިހުރެދާނެ އެއްޗެކެވެ.
އިންސާނުންނަށް ބަލި ޖެހެނީ މި އޯސިސްޓްތައް އެކުލެވޭ ބޮޑުކަމުދާތަކެތީގެ ޒަރިއްޔާއިންނެވެ. އަދި އެފަދަ ޖަނަވާރެއްގެ މަސް ރަނގަަޅަށް ނުކައްކާ ކެއުމުންވެސް އިންސާނުންނަށް ބަލި ޖެހިދާނެ އެވެ.
ޓޮކްސޯޕްލާސްމޯސިސްގެ އަލާމާތްތައް:
ޖަނަވާރާއި އިންސާނުންނަށް މި އިންފެކްޝަން ޖެހޭ ގިނަ ހާލަތްތަކުގައި އެއްވެސް އަލާމާތެއް ނުފެނިދާނެއެވެ. އިންފެކްޝަން ހަށިގަނޑުގައި ހުރިކަމުގެ ހަމައެކަނި ހެއްކަކީ ޓޮކްސޯޕްލާސްމޯސިސް ޕެރަސައިޓާ ދެކޮޅަށް ލޭގައި ހުރި އެންޓިބޮޑީސް ދެނެގަތުމެވެ.
އަލާމާތްތައް ފެނިއްޖެނަމަ، އޭގެ ތެރޭގައި ހިމެނެނީ:
ލިމްފް ގްލޭންޑްތައް ދުޅަވުން ވަކިން (ހާއްސަކޮށް ކަނދުރާގެ ވަށައިގެން އުފެދިފައިވާ)
މަސްތަކުގައި ރިއްސުން
ބޮލުގައި ރިއްސުން
ހުން އައުން
ވަރުބަލިކަން އިހުސާސްވުން
ފުއްޕާމޭގެ އިންފްލެމޭޝަން
ހިތުގެ މަސްތަކުގެ އިންފްލެމޭޝަން
ލޮލުގެ އިންފްލެމޭޝަން، މިސާލަކަށް ރެޓިނާ
ޓީ.ގޮންޑީ އިންފެކްޝަންގެ މުއްދަތު
ޓޮކްސޯޕްލާސްމޯސިސް ޕެރަސައިޓްގެ ސަބަބުން ދިގު މުއްދަތަކަށް އިންފެކްޝަނެއް ޖެހެއެވެ. އިންފެކްޝަނަށް ފަހު، ސިކުނޑި، ފުއްޕާމޭ އަދި މަސްތަކުގެ ޓިޝޫ ފަދަ ހަށިގަނޑުގެ ބައެއް ތަންތަނުގައި ހުންނަ ސިސްޓުތަކުގެ ތެރޭގައި މަދު އަދަދެއްގެ ޕެރަސައިޓްތައް ބަންދުވެ ހުރެދާނެ އެވެ. މިފަދަ ޑޯމަންޓް އިންފެކްޝަންތައް އުމުރަށް ދެމިއޮންނާނެ ކަމަށާއި އިމިއުނޯސަޕްރެސްޑް މީހާގެ ހަށިގަނޑުގައި އަލުން އެކްޓިވޭޓް ވެދާނެ ކަމުގެ ބިރު އޮވެއެވެ. މި ބަލި ޖެހޭ މީހުންނަށް ސިކުނޑި، ހިތާއި ލޮލުގެ ބައިވެރިވުން، ނިއުމޯނިއާ އަދި ބައެއް ފަހަރު މަރުވުމުގެ ނުރައްކާ އޮވެއެވެ.
ޓޮކްސޯޕްލާސްމޯސިސްގެ ސަބަބުން ބަނޑުގައިވާ ދަރިފުޅަށް ކުރާ އަސަރު
އަލަށް އުފަންވާ ތުއްތު ކުދިންނަށް ބަލި ޖެހިއްޖެ ނަމަ، އެންމެ ނުރައްކާތެރި ހާލަތުގައި އެ ކުދިންނަށް ކުރިމަތިވާނީ އާދައިގެ ބައްޔެކެވެ. ނަމަވެސް މާބަނޑު ދުވަސްވަރު ޓޮކްސޯޕްލާސްމޯސިސްގެ ސަބަބުން ބަނޑުގައި ވާ ތުއްތު ކުދިންނަށް ޕެރަސައިޓް ޖެހުމުގެ ފުރުސަތު ބޮޑެވެ. މާބަނޑު ދުވަސްވަރު ފުރަތަމަ ފަހަރަށް އަންހެނަކަށް ޓޮކްސޯޕްލާސްމޯސިސް ޖެހިއްޖެ ނަމަ އެ ޕެރަސައިޓްތަކުގެ އަސަރު ޕްލެސެންޓާ މެދުވެރިކޮށް ތުއްތު ދަރިފުޅަށް ކޮށްފާނެ އެވެ.
އުފަންވާ ގިނަ ތުއްތު ކުދިންނަށް އެއްވެސް އަސަރެއް ނުކުރި ނަމަވެސް މައިނޯރިޓީއަކަށް އިންފެކްޝަންގެ ސަބަބުން ގެއްލުމެއް ލިބިދާނެ އެވެ. އުފަންވާ ތުއްތު ކުދިންނަށް ޓޮކްސޯޕްލާސްމޯސިސްގެ ސަބަބުން ކުރާ އަސަރުތަކުގެ ތެރޭގައި ހިމެނެނީ:
ހަންގަނޑުގައި ރަތްކުލައިގެ ފިތްގަނޑު ނެގުން
ނާރުގެ ނިޒާމަށް ލިބޭ ގެއްލުން
ނަފްސާނީ ގޮތުން ބަލިކަށިވުން
ސެރެބްރަލް ކެލްސިފިކޭޝަން (ސިކުނޑީގެ ޓިޝޫތައް ހަރުކަށިވުން)
ފުރަމެއަށް ލިބޭ ގެއްލުން
ލޮލުގެ މައްސަލަތައް
އުފަންނުވަނީސް މަރުވުން (ވަރަށް މަދު ހާލަތެއްގައި)