މިހާރު ކުރިއަށްދާ ސާބާ އަންހެނުންގެ ބާސްކެޓް ބޯޅަ މުބާރާތުގައި ރޭ ރާއްޖެ ބަލިކޮށް، ލަންކާއިން މުބާރާތުގެ ޗެމްޕިއަންކަން ހޯދައިފިއެވެ.
ބުދަ ދުވަހުގެ ރޭ ރާއްޖެއާ ލަންކާ ކުޅުނު މެޗުން ލަންކާ މޮޅުވީ 59-72 ންނެވެ. ފުރަތަމަ މެޗުގައި ރާއްޖެ އަތުން ބަލިވި ނޭޕާލަށް ދެވަނަ ލިބުނު އިރު ތިންވަނަ ލިބޭނެ ބަޔަކު އެނގޭނީ ރާއްޖެއާ ބޫޓާން މިރޭ ކުޅޭ މެޗުންނެވެ. މި މެޗުން މޮޅުވެގެން ދިވެހި ޓީމަށް ތިންވަނަ ހޯދުމުގެ ފުރުސަތު އެބައޮތެވެ.
މި މުބާރާތުގައި ބައިވެރިވެފައިވަނީ ސްރީލަންކާ، ރާއްޖެ، ނޭޕާލް އަދި ބޫޓާންއެވެ.
