މިހާރު ފެށިގެން ކުރިއަަށްދާ ވަރލްޑްކަޕް ފުޓްބޯޅަ މުބާރާތުގައި މިއަދު އެންމެ ފުރަތަމަ ކުޅޭނީ އާރޖެންޓީނާ އާއި ސައުދީ އަރަބިއްޔާއެވެ.
މެސީގެ ގިނަ ފޭނުން ރާއްޖޭގައިވެސް ތިބި އިރު ގިނަ ބަޔަކު ބުނަނީ އާރޖެންޓީނާ މިއަދު ސައުދީ ކޮޅަށް ލަނޑުގޯންޏެއް އޮއްސާލާނެ ކަމަށެވެ. އާރޖެންޓީނާ އަދި ސައުދީ އަރަބިއްޔާ ހިމެނެނީ މުބާރާތުގެ ގުރޫޕު ސީގައެވެ.
މި ގުރޫޕުގައި ދެން އޮތީ ޕޮލެންޑް އަދި މެކްސިކޯއެވެ. މިމުބާރާތުގައި މިހާރު ހަތަރު މެޗް ކުޅެފައިވާއިރު ހީނުކުރާ ފަދަ ނަތީޖާތަކެއް ވަނީ ފެނިފައެވެ.
އެހެން ކަމުން މެސީގެ ސަޕޯޓަރުން ތިބީ މުޅި ޓީމުގެ ރަނގަޅު ކުޅުމެއް ފެނި ފޭނުން ހެޕީކޮށްލަދޭނެ ކަމުގެ އުއްމީދުގައެވެ.