ސޯސަލްމީޑިއާ ފްލެޓްފޯމެއް ކަމަށްވާ އިންސްޓަރގްރާމުން އެންމެ ގިނަ މީހުން ފޮލޯ ކުރާ އެކައުންޓަކަށް ފުޓްބޯޅަ ކުޅުންތެރިޔާ ރޮނާލްޑޯ އެކައުންޓްވެއްޖެއެވެ.
އެގޮތުން ރޮނާލްޑޯ ފޮލޯ ކުރާމީހުންގެ އަދަދު ވަނީ 501 މިލިއަނަށް އަރާފައެވެ.
ރޮނާލްޑޯގެ ފޮލޯވަރުން އެތައް ގުނައެއް އިތުރުވެފައި މިވަނީ މެންޗެސްޓާ ޔުނައިޓެޑްގެ ޕޯޗުގަލް ފޯވާޑް، ކްރިސްޓިއާނޯ ރޮނާލްޑޯ އެ ކްލަބު ދޫކޮށްލައިފާވާކަން ހާމަކުރި ހަބަރާވެސް އެކުއެވެ.
ރޮނާލްޑޯ ދޫކޮށްލަން އެކްލަބުން ނިންމި ނިންމުން ހާމަ ކުރަމުން އެ ކުލަބުގެ ރަސްމީ އެކައުންޓުތައް މެދުވެރިކޮށް ނެރުނު ބަޔާނެއްގައި ބުނެފައިވަނީ އިއުލާން ނެރުނު ވަގުތުން ފެށިގެން ރޮނާލްޑޯ އާއި ޔުނައިޓެޑާ ދެމެދު ހެދިފައިވާ އެއްބަސްވުން ނިމުމަކަށް ގެނެސްފައިވާ ކަމަށެވެ. އެކްލަބުން ބުނެފައިވަނީ އެ ނިންމުން ނިންމާފައިވަނީ ދެ ފަރާތުން ވާހަކަ ދެކެވިގެން ކަމަށެވެ.
ފީފާ ވަލްޑްކަޕް ފުޓްބޯޅަ މުބާރާތްވެސް މިހާރު ފެށިގެން ކުރިއަށްދާއިރު މި މުބާރާތުގައި ޕޯރޗްގަލް ކުޅޭނީ ބުރާސްފަތި ދުވަހުގެ ރޭ 9 ޖަހާއިރުއެވެ.