ވަލްޑްކަޕް ފުޓުބޯޅަ މުބާރާތުގައި މިރޭ ކުޅުނު މެޗް ކާމިޔާބުކޮށް ބްރެޒިލް ގަދަ 16ގެ ޖާގަ ކަށަވަރުކޮށްފިއެވެ.
ބްރެޒިލް މިރޭގެ މެޗް ކާމިޔާބުކުރީ 1 0 އަކުން ސްވިޓްޒަރލޭންޑްގެ މައްޗަށް ކުރި ހޯދައިގެންނެވެ.
ބްރެޒިލްއަށް މޮޅުވި ލަނޑު ޖަހައިދިނީ ކަސިމީރޯއެވެ. ގުރޫޕު ޖީ ގެ އެއްވަނައިގެ ގޮތުގައި ބްރެޒިލް ގަދަ ސޯޅައިގެ ޖާގަ ކަށަވަރު ކުރި އިރު ދެވަނަ އަށް އަދިވެސް އެންމެ ފުރުސަތު ބޮޑީ ސްވިޓްޒަރލޭންޑަށެވެ.
ކެމަރޫން އަދި ސާބިއާ އަށް ލިބިފައިވަނީ އެންމެ ޕޮއިންޓެކެވެ. މި މުބާރާތުގައި ގަދަ ސޯޅަ މިހާތަނަށް ޔަގީންވެފައިވަނީ ފްރާންސް އަދި ބްރެޒިލް އަށެވެ. ދެން ހުރި ޓީމުތަކާ މެދު ގޮތެއް ނިމޭނީ ގުރޫޕު ސްޓޭޖްގެ ހުރިހާ މެޗެއް ނިމުމުންނެވެ.