ފީފާ ވަލްޑްކަޕްގައި ރޭ ގުރޫޕު ސީގެ މެޗްތައް ނިންމާލި އިރު އެ ގުރޫޕުން ގަދަ 16 ނުވަތަ ދެވަނަ ބުރަށް ދާ ދެ ޓީމު ކަށަވަރުވެއްޖެއެވެ.
އެގޮތުން ގުރޫޕު ސީން ދެވަނަ ބުރަށް ގޮސްފައިވަނީ އާޖެންޓީނާ އަދި ޕޮލެންޑެވެ.
ގުރޫޕު ސްޓޭޖްގެ ފަހު މެޗްގައި ރޭ އާޖެންޓީނާ އާއި ޕޮލެންޑް ބައްދަލު ކުރި މެޗް އާޖެންޓީނާއިން ކާމިޔާބު ކުރީ 2 0 ގެ ނަތީޖާ އަކުންނެވެ. އަދި މި ގުރޫޕުގައި ސައުދީ އަރަބިއްޔާ އަދި މެކްސިކޯ ވާދަކުރި މެޗު މެކްސިކޯ ކާމިޔާބު ކުރީ 2 1 ނެވެ.
ހަ ޕޮއިންޓް ލިބިގެން ގުރޫޕުގެ އެއްވަނައިގެ ގޮތުގައި އާޖެންޓީނާ ދެވަނަ ބުރަށް ގޮސްފައިވާއިރު ޕޮލެންޑް ދެވަނައިގަ އޮވެ ގަދަ ސޯޅަ އަށް ދަތުރު ކުރީ ހަތަރު ޕޮއިންޓް ލިބިގެންނެވެ.
މިމުބާރާތުގައި ގަދަ ސޯޅައިގެ މެޗްތައް ފަށާނީ ޑިސެމްބަރު ތިން ވަނަ ދުވަހުއެވެ.