މިހާރު ކުރިއަަށްދާ ފީފާ ވަލްޑްކަޕް 2022 ގެ ކުއާޓަރ ފައިނަލުގެ ދެވަނަ މެޗު ކާމިޔާބުކޮށް އާޖެންޓީނާވެސް ސެމީއަށް ދަތުރުކޮށްފިއެވެ.
އާޖެންޓީނާ އިން 2-0ގެ ލީޑެއް ނަގާފައިވަނިކޮށް، މެޗުގެ ފަހު ހާފުގައި ފަހަތުން އަރައި ނެދަލޭންޑްސް އިން ދެ ލަނޑު ޖަހައި، މެޗުގެ ނަތީޖާ ހަމަހަމަކުރުމުން މެޗުގެ ނަތީޖާ ނެރުމަށް އިތުރު ވަގުތުގެ ދެ ހާފު ކުޅެންޖެހުނެވެ. އިތުރު ވަގުތުގައި ނަތީޖާއެއް ބަދަލެއް ނާދެ އެވެ.
މެޗްގެ ފުރިހަމަ ވަގުތު ހަމަވިއިރު ދެ ޓީމުވެސް އޮތީ 2 2 އަކުން އެއްވަރުވެފައެވެ.
އެހެންކަމުން އާޖެންޓީނާ ސެމީ ފައިނަލަށް ދިޔައީ ޕެނަލްޓީ ޖަހައިގެން 4 3 ކާމިޔާބުކޮށްގެނެވެ.
ސެމީ ފައިނަލުގައި އާޖެންޓީނާ ބައްދަލުކުރަންޖެހޭނީ ގަދަފަދަ ބްރެޒިލް ބަލިކޮށް ސެމީއިން ޖާގަ ހޯދި ކްރޮއޭޝިޔާ އާއެވެ.
ސެމީ ފައިނަލް މެޗް އޮންނާނީ 14 ޑިސެމްބަރުވާ ބުދަ ދުވަހުގެ ރޭ ދަންވަރު ބާރަ ޖަހާއިރުއެވެ.