ތުރުކީ އަދި ސީރިޔާއަށް އައި ބާރުގަދަ ބިންހެލުމުގައި މަރުވި މީހުންގެ އަދަދު 40،000އިން މައްޗަށް އަރައިފި އެެވެ.
ތުރުކީގެ ރައީސް ރަޖަބް ތައްޔިބް ޢުރުދުޣާން ވިދާޅުވިގޮތުގައި ތުރުކީއިން އެކަނި މި ބިންހެލުމުގައި މިހާތަނަށް 35،418 މީހުންވަނީ މަރުވެފަ އެވެ. މި ބިންހެލުން އައިސްފައިވަނީ މިމަހުގެ 6 ވަނަ ދުވަހު ތުރުކީގެ ކަހްރަމާނަސްގެ އުތުރުން 7.8 މެގްނިޓިއުޑްގެ ބާރުމިނުގަ އެވެ.
މި ބިންހެލުމުގައި ސީރިޔާއިން ވެސް މުހާތަނަށް ވަނީ 5،500 މީހުން މަރުވެފަ އެވެ. މިމީހުންގެ ތެރެއިން 4،000އަށްވުރެ ގިނަ މީހުން މަރުވެފަެިވަނީ އެ ޤައުމުގެ އެންމެ ހަމަނުޖެހުން ބޮޑު ސަރަހައްދުންނެވެ.
ބިންހެލުމަށް 9 ދުވަސްވެފައިވާއިރު އަދިވެސް އިމާރަަތްތައް ދަށުން ދަނީ ދިރިހުރި މީހުން ފެންނަމުންނެވެ. ނަމަވެސް ގިނައީ މަރުވެފައި ހުރި ހަށިތައް ކަމަށް އޮފިޝަލުން ލަފާދެއެވެ.