އިންސާނީ ހައްގުތަކަށް ވަކާލާތު ކުރާ ކަމަށް ދައްކަމުން އަންނަ ފްރާންސްގައި ސްކޫލަށް ވަނުމުގެ ކުރިން މުސްލިމު އަންހެއް ކުދިންނަަށް ބުރުގާ ނަގަން މަޖުބޫރުކޮށްފިއެވެ.
ސޯޝަލް މީޑިއާގައި ދައުރުވަމުންދާ ވީޑިއޯގައި ފެންނަ ގޮތުން ބުރުގާ އަޅާ ނިވާވެގެން ހުންނަ ކޮންމެ އަންހެން ކުއްޖަކުވެސް ސްކޫލް ގޭޓުން ވަނުމުގެ ކުރިން ބުރުގާ ނަގައެވެ. ގިނަ ބަޔަކު މިކަމަށް ފާޑު ކިޔަމުން ބުނެފައިވަނީ ކިޔެވުމުގެ ހައްގު ކޮންމެ ކުއްޖަކަށް ލިބެންޖެހޭއިރު ވަކި ހެދުމެއް އަޅަން މަޖުބޫރު ކުރެވިގެން ނުވާނެ ކަމަށެވެ.
ހަބަރުތައް ބުނާ ގޮތުން ފްރާންސްގެ މިނިސްޓްރީ އޮފް އެޑިއުކޭޝަނުގެ އެންމެ ބޮޑު ކަންބޮޑުވުމަކީ އަބާޔާ ހެދުންލާ ބުރުގާ އަޅާ އަންހެން ކުދިން އާދަޔާ ހިލާފަށް އެގައުމުގައި ގިނަވަމުން ދިއުމެވެ.