ހަމާސް އަކީ ފިކުރެއްގެ ގޮތުން ބަލިނުކުރެވޭނެ ޖަމާއަތެއް ކަމަށް އިސްރާއީލުގެ އަސްކަރިއްޔާގެ ތަރުޖަމާނު ބުނެފިއެވެ.
އަށް މަހަށް ވުރެ ގިނަ ދުވަސް ވަންދެން ދެމުންދާ ހަމަލާތަކަށްފަހު، ފަލަސްތީނުގެ ސަރަހައްދުން ހަމާސް ބޭރުކުރަން އިސްރާއީލުން ފެއިލްވި ނަމަވެސް، ބޮޑެތި ގެއްލުންތަކެއް ވަނީ ލިބިފަ އެވެ.
އިސްރާއީލުގެ ޗެނަލް 13 ބްރޯޑްކާސްޓަރަށް ދިން އިންޓަވިއުއެއްގައި ރިއާ އެޑްމިރަލް ޑެނިއަލް ހާގަރީ ބުނީ ހަމާސް އަކީ ފިކުރެއް ކަމަށާއި އެ ފިކުރެއް ނައްތާނުލެވޭނެ ކަމަށެވެ.
އަދި ހަމާސް ނެތިގެން ދާނެ ކަމަށް ބުނުމަކީ މީހުންގެ ލޮލަށް ވެލި އެޅުން ފަދަ ކަމެއް ކަމަށާއި، އެގޮތަށް އެކަން ނުވާނަމަ އެންމެ ފަހަށްވެސް ހަމާސް އޮންނާނެކަމަށް އޭނާވަނީ ބުނެފައެވެ.
އޭނާގެ މި ވާހަކަތަކަށް އިސްރާއީލުގެ ބޮޑުވަޒީރު ބެންޖަމިން ނަތަންޔާހޫގެ އޮފީހުން ވަރަށް އަވަހަށް ރައްދު ދީފައިވާއިރު، ހަމާސް ބަލިކޮށްގެން ނޫނީ ޣައްޒާގެ ހަމަލާތައް ހުއްޓާނުލާނެ ކަމަށް ކެބިނެޓުން ވަނީ ބުނެފައެވެ.
އިސްރާއީލުން ދިން ހަމަލާތަކުގައި ޣައްޒާގައި 37،396 މީހުން ޝަހީދުވެފައިވާއިރު، އޭގެ ތެރޭގައި ގިނައީ އާންމުންނެވެ.