އިސްރާއީލުން ޣައްޒާ ސިޓީގެ ނާސިރު އަވަށަށް އިއްޔެ ހަވީރު ދިން ބޮމުގެ ހަމަލާތަކުގައި އާންމުންގެ ތިން މީހަކު ޝަހީދުވެއްޖެއެވެ.
ނާސިރު އަވަށުގެ އަލްވެހްދާ ޓަވަރު ކައިރީގައި ހުރި އެޕާޓްމަންޓަކަށް އަމާޒުކޮށް އިސްރާއީލުން ދިން މި ބޮމުގެ ހަމަލާގައި ވަނީ، އެތައް ބަޔަކު ޒަހަމްވެފައެވެ.
މީގެއިތުރުން ނަބްލުސްގެ ދެކުނުގައި އޮންނަ އިސްރާއީލުގެ އާބާދީވެރިން ދިން ހަމަލާއެއްގައި އުމުރުން ދުވަސްވީ މީހަކު ރޭ ޒަހަމްވެފައިވާ ކަމަށް ފަލަސްތީނު ރެޑް ކްރެސެންޓް ސޮސައިޓީ (ޕީއާރުސީއެސް) އިން ވަނީ ބުނެފައެވެ.
ޕީއާރުސީއެސް އިން ރިޕޯޓްކޮށްފައިވާ ގޮތުގައި ނަބްލޫސްގެ ދެކުނުގައި އޮންނަ ހުވާރާ ޓައުންގައި އުމުރުން 62 އަހަރުގެ ރައްޔިތަކަށް ކޮލޮނިސްޓުން އަނިޔާކޮށް އޭނާ ޒަހަމްކޮށްލާފައިވެއެވެ.
ޕީއާރުސީއެސް އިން އިތުރަށް ބުނީ، ކޮލޮނިސްޓުން އެ މުސްކުޅި މީހާއަށް ޕެޕާ ގޭސް ސްޕްރޭ ކުރުމުން އޭނާއަށް އިތުރު ފަރުވާ ދިނުމަށް ހުވާރާގައި ހުންނަ އިބްނު ސީނާ އިމަޖެންސީ ސެންޓަރަށް ބަދަލުކުރަން ޖެހުނު ކަމަށެވެ.
2023 ވަނަ އަހަރުގެ އޮކްޓޯބަރު މަހުގެ 7 ވަނަ ދުވަހު ވަށާލާފައިވާ ޣައްޒާގައި އެއްގަމާއި ކަނޑުއަދި ވައިގެ މަގުން އެ ޖަމާއަތުގެ ހަމަލާތައް ދޭން ފެށި ފަހުން، ގާތްގަނޑަކަށް 39،363 މީހުން މަރުވެފައިވާއިރު އޭގެ ތެރޭގައި ގިނައީ ކުޑަކުދިންނާއި އަންހެނުންނެވެ.
އެމްބިއުލާންސާއި ސިވިލް ޑިފެންސް ކްރޫންނަށް ހަމަލާދީފައިވާ =ތަންތަނަށް ދިއުމުގައި ބޮޑެތި ދަތިތަކާ ކުރިމަތިލާން ޖެހިފައިވާތީ، އެތައް ހާސް ބަޔަކު ކުނިތަކެއްގެ ދަށުގައި ތާށިވެފައި އެބަހުއްޓެވެ.