އީރާނުން އިސްރާއީލަށް ރައްދު ދިނުމުގެ ހަމަލާއަށް ތައްޔާރުވަމުންދާއިރު، މިޞްރުން އެޤައުމުގެ ހުރިހާ އެއަރލައިންތަކަށް ވަކި ވަގުތަކަށް އީރާނުގެ ވައިގެ ސަރަޙައްދުން ދުރުހެލިވުމަށް އިރުޝާދު ދީފިއެވެ.
މިސްރުގެ ނޯޓަމް އިން ބުނީ ބުރާސްފަތި ދުވަހު ޖީއެމްޓީ ގަޑިން 0100 އިން 0400 އަށް އީރާނުގެ ވައިގެ ސަރަހައްދުން ދުރުވުމަށް ޕައިލެޓުންނާއި އޭވިއޭޝަން އޮތޯރިޓީތަކަށް ފޮނުވި ސޭފްޓީ ނޯޓިސްގައި ބުނެފައިވާ ކަމަށެވެ.
މިސްރުގެ ސިވިލް އޭވިއޭޝަން މިނިސްޓްރީން ބުނީ މި ނޯޓިސް ދީފައި ވަނީ ބުދަ ދުވަހާއި ބުރާސްފަތި ދުވަހު އަސްކަރީ ތަމްރީނުތަކެއް ހިންގާނެ ކަމަށްބުނެ އީރާނުގެ ސަރަހައްދުތަކުން ދަތުރުކުރާ ހުރިހާ އެއާލައިންތަކަކަށް އިންޒާރު ދިނުމުންނެވެ.
ނަމަވެސް އީރާނުން އެގައުމުގެ މުޅި ވައިގެ ސަރަހައްދަށް ނޯޓަމެއް ނެރެފައި ނުވެއެވެ. އެހެންނަމަވެސް އީރާނުގެ ހުޅަނގުގައި މަދަނީ އެއާލައިންތަކަށް 12،000 ފޫޓަށް ވުރެ ދަށުން ދަތުރު ނުކުރުމަށް ޕައިލެޓުންނަށް އިންޒާރު ދީފައިވެ އެވެ.
މިދިޔަ ހަފުތާގައި ތެހެރާނުގައި ހަމާސްގެ ލީޑަރު އިސްމާއިލް ހަނިއްޔާ އަވަހާރަކޮށްލުމާ ގުޅިގެން އީރާނާއި އިޒްރޭލާ ދެމެދު ހިނގަމުންދާ ހަނގުރާމައިގެ ތެރޭގައި މިސްރުގެ ނޯޓިސް ދޭން ޖެހުނީ ކޮން ސަބަބަކާ ހުރެ ކަމެއް ހާމަކޮށްފައެއް ނުވެއެވެ. އިޒްރޭލުން ރަސްމީކޮށް އެކަމުގެ ޒިންމާ އުފުލާފައި ނުވި ނަމަވެސް އީރާނުގެ ސަރުކާރުން ދަނީ އެގައުމުގެ އިދިކޮޅު ފަރާތްތަކުގެ ބޮލުގައި އަޅުވަމުންނެވެ.
ބައިނަލްއަގުވާމީ ފްލައިޓް އޮޕަރޭޝަންތަކާ ބެހޭ މައުލޫމާތު ހިއްސާކުރާ މެމްބަރޝިޕް އޯގަނައިޒޭޝަނެއް ކަމަށްވާ އޯޕީއެސް ގްރޫޕުން އެކްސްގައި ލިޔެފައި ވަނީ މިސްރުން މިފަދަ ނޯޓަމެއް އައުމަކީ ވަރަށް އާދަޔާ ހިލާފު ކަމެއް ކަމަށެވެ. މިއީ އިޒްރޭލަށް އީރާނުން ދޭ ޖަވާބެއް އަންގައިދޭ އިންޑިކޭޓަރެއް ކަމަށް ވެދާނެ ކަމަށާއި އޭގެ ބަދަލުގައި ވައިގެ ސަރަހައްދަށް ބޮޑެތި ހުރަސްތަކެއް ކުރިމަތިވެދާނެ ކަމަށް ބެލެވެ އެވެ.