ތައިލެންޑްގެ ބޮޑުވަޒީރުކަމަށް ބިލިއަނަރު ވިޔަފާރިވެރިޔާ އަދި ކުރީގެ ލީޑަރު ތަކްސިންގެ ޒުވާން ދަރިކަނބަލުން ޕެޓޮންގްޓާން ޝިނަވަޓްރާ އެގައުމުގެ ގާނޫނު ހަދާ މަޖިލީހުން ހޮވައިފި އެވެ.
މިއާއެކު އުމުރުފުޅުން 37 އަހަރުގައި އެކަމަނާ ވެގެންދާނީ އެގައުމުގެ އެންމެ ޒުވާން ބޮޑުވަޒީރު އަދި މާމަ ޔަންގްލަކްއަށް ފަހު އެ މަގާމުގައި ހުންނެވި ދެވަނަ އަންހެން ބޭފުޅާއަށެވެ.
އެކަމަނާ ހޮވާފައި މިވަނީ ކުރީގެ ބޮޑުވަޒީރު ސްރެތާ ތަވިސިން ދުސްތޫރީ ކޯޓަކުން މަގާމުން ވަކިކުރިތާ ދެ ދުވަސް ފަހުންނެވެ. މި ދެ ބޭފުޅުންނަކީ ވެސް 2023 ވަނަ އަހަރުގެ އިންތިހާބުގައި ދެ ވަނަ ހޯދި ނަމަވެސް ވެރިކަން ކުރާ ކޯލިޝަނެއް އުފެއްދި ފީއު ތައި ޕާޓީއަށް ނިސްބަތްވާ ދެ ބޭފުޅުންނެވެ.
ވޯޓުގެ ބަދަލުގައި 319 އެންޑޯސްމަންޓާއި 145 ވޯޓު ލިބިވަޑައިގެންފައިވާ މިސް ޕެޓޮންގްޓާން އަކީ ފާއިތުވި 20 އަހަރުގެ ތެރޭގައި ޝިނަވަތުރާ ދަރިކޮޅުން ވެރިކަން ކުރި ހަތަރު ވަނަ މެމްބަރެވެ. އަނެއް ތިން މީހުންގެ ތެރޭގައި އޭނާގެ ބައްޕަ ތަކްސިން އާއި ކާފަ ޔަންގްލަކް ވެސް ހިމެނިވަޑައިގަންނަވާއިރު، އެމީހުން ވެރިކަމުން ދުރުކޮށްފައިވަނީ އަސްކަރީ ބަޣާވާތަކުން ނުވަތަ ދުސްތޫރީ ކޯޓުގެ ހުކުމްތަކަކުންނެވެ.
ތަވިސިން މަގާމުން ވަކިކުރީ ކުރިން ޖަލަށްލާފައިވާ ކުރީގެ ގާނޫނީ ވަކީލަކު އޭނާގެ ކެބިނެޓަށް އައްޔަން ކުރުމުންނެވެ.
މިދިޔަ ހުކުރު ދުވަހު މިސް ޕެޓޮންގްޓާން ވިދާޅުވީ، ޝްރެތާ މަގާމުން ވަކިކުރި ކަން އެނގުމުން އޭނާ ކަންބޮޑުވެ، އެކަމާއި ވަރަށް ހިތާމަކުރާ ކަމަށެވެ.