އެމެރިކާ އާއި އިރާގު ސިފައިން ގުޅިގެން ހިންގި އޮޕަރޭޝަނެއްގައި އިރާގުގެ ހުޅަނގުގައި އައިއެސް ޖަމާއަތުގެ 15 މީހުން މަރުވެފައިވާއިރު، އެ އޮޕަރޭޝަންގައި އެމެރިކާގެ ހަތް ސިފައިން ޒަޚަމްވެފައިވާ ކަމަށް އެމެރިކާގެ ސެންޓްރަލް ކޮމާންޑް (ސެންޓްކޮމް) އިން ބުނެފި އެވެ.
ސެންޓްކޮމް އިން ސޯޝަލް މީޑިއާ ޕްލެޓްފޯމް އެކްސްގައި ބުނެފައި ވަނީ އައިއެސްގެ ލީޑަރުންނަށް އަމާޒުކޮށް ހިންގި މި އޮޕަރޭޝަނަކީ ބުރާސްފަތި ދުވަހުގެ ފަތިހު ހިންގި އޮޕަރޭޝަނެއް ކަމަށާއި އޭގެ ނަތީޖާއެއްގެ ގޮތުން އައިއެސްގެ 15 މީހުން މަރުވެފައިވާ ކަމަށާއި އާންމުންގެ އެއްވެސް ގެއްލުމެއް ލިބިފައިވާ ކަމުގެ އެއްވެސް އިޝާރާތެއް ލިބިފައި ނުވާ ކަމަށެވެ.
އަދި މަރުވި މީހުން ތިބީ އައިއެސްގެ ސިފައިން ތިބީ އެތައް ހަތިޔާރާއި ގްރެނޭޑާއި އެކްސްޕްލޯސިވް “ސުއިސައިޑް” ބެލްޓްތައް ހިފައިގެން ކަމަށާއި، އެއީ ހަމައެކަނި އިރާގުގެ ހުޅަނގުގައި ހިންގި އޮޕަރޭޝަނެއް ކަމަށް އެ ބަޔާނުގައި ވެ އެވެ.
ދިފާއީ އޮފިޝަލަކު ވިދާޅުވީ މި ހަމަލާގައި އެމެރިކާގެ ހަތް ސިފައިން ޒަހަމްވެފައިވާ ކަމަށެވެ.
އައިއެސްއާ ދެކޮޅަށް ބައިނަލްއަގްވާމީ ކޯލިޝަނެއްގެ ގޮތުގައި އިރާގުގައި އެމެރިކާގެ 2500 އެއްހާ ސިފައިން އަދި ސީރިއާގައި 900 އެއްހާ ސިފައިން އެބަތިއްބެވެ.