ފަރުބަދަމަތީގައި ސްކީ ކުރަނިކޮށް ގެއްލުނު މަޝްހޫރު ސްކިއާ 49އ. ހިލަރީ ނެލްސަންގެ ހަށިގަނޑު ހޯދައިފި އެވެ.
އެމެރިކާއަށް ނިސްބަތްވާ ނެލްސަން ގެއްލިފައި ވަނީ ދުނިޔޭގައި 8 ވަނައަށް އެންމެ އުސް ފަރުބަދަ މަތިން ވެއްޓުމަަށް ފަހުގަ އެވެ.
މި ފަރުބަދަ އަކީ ނޭޕާލްގައި ހުންނަ މައުންޓް މަނާސްލޫ ފަރުބަދަ އެވެ. ނެލްސަން ވެއްޓުނުއިރު ގާތުގައި އޭނާގެ ބައިވެރިޔާ ޖިމް މޮރިސަންވެސް ހުއްޓެވެ.
ނެލްސަން އަކީ ދުނިޔޭގައި 4 ވަނަ އަށް އެންމެ މޮޅު ސްކިއާ އެވެ. ނެލްސަންގެ ހަށިގަނޑު ފެނިފައިވަނީ ހެލިކޮޕްޓަރުގައި ދެ ދުވަސް ވަންދެން ކުރި މަސައްކަތުންނެވެ.
ނެލްސަންގެ ހަށިގަނޑު ވަނީ ކަތަމަންޑޫގައި ހުންނަ ހޮސްޕިޓަލަށް ގެންގޮސްފަ އެވެ. އަދި މިހާރު ކުރިއަށްދަނީ އޮޓޯޕްސީ ހެދުމުގެ މަސައްކަތެވެ.