އިންޑިޔާގެ އޮޑިޝާ ޑިސްޓްރިކްޓްގައި ފެންކަމަށް ހީކޮށް ޑީސަލް ބޮވުނު ކުޑަކުއްޖަކު މަރުވެއްޖެ އެވެ.
ދޮޅު އަހަރުގެ މި ތުއްތު ކުއްޖާއަށް ޑީސަލް ބޮވުނީ އެ ކުއްޖާގެ ބައްޕަ ބަހައްޓާފައި ހުރި ޑީސަލް ފުޅިއެއް ފެންކަމަށް ހީކޮށް ބުއިމުގެ ސަބަބުންނެވެ. މިއީ އޭނަގެ ބައްޕަ ވެހިކަލްއެއް ހެދުމަށް ބޭނުންކުރި ޑީސަލް އެވެ.
ޑީސަލް ބުއިމަށްފަހު މި ކުއްޖާވަނީ ހުއްޓާނުލާ ހޮޑުލާފަ އެވެ. އަދި ނޭވާއަށް އުނދަގޫވުމަށްފަހު ކުއްޖާ ހާލުދެރަވެގެން މަރުވީކަމަށް ކުއްޖާގެ އާއިލާއިން ވަނީ ބުނެފަ އެވެ.