އިންޑިޔާގެ ދިއްލީގައި އާދަޔާ ހިލާފަށް ފިނި ގަދަވެ ދުންފިނި އުފެދުމުގެ ސަބަބުން އާއްމުންނާ ދޭ ގިނަ ހިދުމަތްތަކަކަށް ބަދަލު ގެނެސްފި އެވެ.
ފާއިތުވި ދެ ދުވަހު ދުވާލާއި ރޭގަނޑު ވެސް ދިއްލީއަށް ދަނީ އާދަޔާ ހިލާފަށް ދުންފިނި ފައިބަމުންނެވެ. މީގެ ސަބަބުން އެޤައުމުގެ ދަތުރުފަތުކުރުމުގެ ނިޒާމަށްވެސް ވަނީ ބުރުއަރާފަ އެވެ. އަދި ގިނަ އެކްސިޑެންޓްތަކެއްވެސް ދަނީ ހިނގަމުންނެވެ.
މިކަމާއި ގުޅިގެން ގާޒިއާބާދު ޑިސްޓްރިކްޓު އެޑްމިނިސްޓްރޭޝަނުން ވަނީ ސްކޫލު ގަޑިތައް މެންދުރުފަހަށް ބަދަލުކޮށްފަ އެވެ. ހަމައެހެންމެ ބަސް ގަޑތަކަަށްވެސް ބަދަލު ގެނެސްފައި ވެއެވެ.
އިންޑިޔާގެ ބައެއް ހިސާބުތަކަށް މި ދުވަސްވަރު ދަނީ ވިއްސާރަވެސް ކުރަމުންނެވެ. އަދި ކުރިއަށް އޮތްތަނުގައި މޫސުން އިތުރަށް ގޯސްވާނެކަމަށް ލަފާކުރެވެ އެވެ.