އިންޑިއާގެ ވެސްޓް ބެންގާލްގެ ސްކޫލެއްގައި މެންދުރުގެ ކެއުމަށް ދިން ތަކެތިން ހަރުފަ ފެނި ގިނަ ކުދިންތަކެއް ވިހަވެއްޖެއެވެ.
މީޑިއާ ރިޕޯޓްތައް ބުނާގޮތުން އެ ކުދިންނަށް ކާން ދިން އެއްޗެހީގެ ތެރެއިން ވަނީ ހަރުފަ ފެނިފައެވެ.
އަދި އެ ކާތަކެތި ކެއުމުގެ ސަބަބުން 20 ކުއްޖަކު ވަނީ ކާނާ ވިހަވެފައެވެ. މަރުވެފައި އޮތް ހަރުފަ ފެނިފައި ވަނީ އެކުދިން ދޭން ހަދާފައި ހުރި މުގު ރިހަ އެއްޗަކުންނެވެ. ހަރުފަ ފެނުނީ އެކުދިންނަށް ކާއެއްޗެހި ދީ ހުސްވި ފަހުން ތެލީގެ އަޑިންނެވެ.
މިހާދިސާއަށްފަހު އެ ސްކޫލްގެ ބެލެނިވެރިން ވަނީ ރުޅިގަދަވެގެން މުޒާހަރާ ކޮށްފައެވެ.
