އިންޑޮނީޝިއާގެ މޮލުއްކަސް އަވަށަށް ބިން ހެލުމެއް އަތުވެއްޖެއެވެ.
ރާއްޖެގަޑިން މިއަދު 11:06 ގައި މި ބިންހެލުން އައިސްފައިވަނީ 7.6 މެގްނިޓިއުޑްގެ ބާރު މިނިގައެވެ.
މޯލްޑިވްސް މީޓްރޮލޮޖީން ބުނީ މި ބިންހެލުން އައިސްފައިވަނީ މާލެއާއި 5948 ކިލޯމީޓަރު ދުރުން ކަމަށެވެ. އަދި މިބިންހެލުމުގެ އަސަރު ރާއްޖެއަށް ކުރާނެ ކަމަށް ނުފެންނަ ކަމަށް މީޓްރޮލޮޖީން ހާމަކުރެއެވެ.
މޫސުމާ ބެހޭ ޤައުމީ އިދާރާއިން ބުނީ ބިން ހެލުންތަކުގެ އަސަރު ރާއްޖެއަށް ކުރަނީ އިންޑޮނޭޝިއާގެ ހުޅަނގު ފަޅިން އަންނަ ބިން ހެލުންތަކުންކަމަށެވެ. އަދި މިފަހަރުވެސް އެ ޤައުމަށް ބިން ހެލުން އައިސްފައިވަނީ އެ ޤައުމުގެ އިރުމަތީ ފަރާތުންކަމަށް މޫސުމާ ބެހޭ ޤައުމީ އިދާރާއިން ހާމަކުރެއެވެ.