އަޒްލީނާ ނަފީސް މަރާލި ޒުހައިރު މަރުވެފައި އޮތްވާ ފެނިއްޖެއެވެ.
ޒުހައިރު ފެނުނީ އޭނާ ދިރިއުޅެމުން އަންނަ ކ.ދިއްފުށީގެ އަތިރިމަތީގައި ހުރި ޖޯއްޔެއްގައި މަރުވެފައި އޮއްވައެވެ. އެއީ މިއަދު 11:30 ހާއިރު ކަމަށް ފުލުހުން ހާމަކުރެއެވެ.
ފުލުހުން ބުނީ ދިއްފުށީ އުތުރު ފަރާތު ބީޗުގައި ހުރި ޖޯއްޔެއްގައި ހަބަރު ހުސްވެފައި އޮތް މީހެއް ފެނިގެން އެރަށު ހެލްތް ސެންޓަރަށް ގެންގޮސްފައިވާ ކަމަށް މިއަދު 12:20 އެހާކަންހާއިރު ފުލުހުންނަށް ރިޕޯޓްކޮށްފައިވާ ކަމަށެވެ.
އަދި ހެލްތް ސެންޓަރަށް މީހާ ގެންދިޔަ އިރުވެސް މަރުވެފައިވާ ކަމަށް ހެލްތް ސެންޓަރާ ހަވާލާދީ ފުލުހުން ހާމަކުރެއެވެ. ނިޔާވެފައިވަނީ 48 އަހަރުގެ ދިވެހި ފިރިހެނެއް ކަމަށް ފުލުހުން ހާމަކުރެއެވެ.
