ރޭ މާލޭގައި ފުލުހުންނަށް ފިލަން ދުއްވި ސައިކަލެއް އިތުރު ދެ ސައިކަލުގައި ޖެހި އެކްސިޑެންޓްވެއްޖެއެވެ.
ފުލުހުން ބުނީ މި އެކްސިޑެންޓް ހިނގީ ރޭ މެންދަމު 1:03 އެހާއިރު ކަމަށެވެ.
މި އެކްސިޑެންޓް ހިނގީ ނަލަހިޔާ ކައިރިން ބާރު ސްޕީޑްގައި ދުއްވާފައިދިޔަ ސައިކަލެއް މަޑުކުރަން އެންގުމުން މަޑުނުކޮށް ބާރު ސްޕީޑްގައި ދުއްވާފައި ދަނިކޮށް އިތުރު ދެ ސައިކަލްގައި ޖެހިގެންނެވެ. އަދި އެކްސިޑެންޓް ވުމުންވެސް ސައިކަލް މަޑުނުކޮށް ދާން މަސައްކަތްކުރިކަމަށް ފުލުހުން ހާމަކުރެއެވެ.
ފުލުހުން ބުނީ ސައިކަލް ދުއްވާފައި ވަނީ ލައިސެންސް ނެތް މީހެއް ކަމަށާއި، ފުލުހުންގެ އަމުރަށް ނުކިޔަމަންތެރިވުމުން ސައިކަލްގައި ތިބި ދެމީހުން ފުލުހުންގެ ބެލުމުގެ ދަށަށް ގެންގޮސްފައިވާ ކަމަށެވެ.