ޕްރޮގްރެސިވް ޕާޓީ އޮފް މޯލްޑިވްސް ޕީޕީއެމް އޮތީ ރައީސުލްޖުމުހޫރިއްޔާ ޑރ މުހައްމަދު މުއިއްޒު އާއެކު ކަމަށް އެ ޕާޓީގެ ނައިބު ރައީސް އަދި މިނިސްޓަރ އޮފް ޑިފެންސް ޣައްސާން މައުމޫނު ވިދާޅުވެއްޖެއެވެ.
ޣައްސާން ކުރެއްވި ޓުވީޓެއްގައި ވަނީ ސަރުކާރުގެ ހިމާޔަތުގައި ‘އަތާއި އަތް ގުޅައިގެން’ މަސައްކަތް ކުރުމަށް ގޮވައިލައްވައިފައެވެ. އަދި ކެރުމާއި އިޚްލާސްތެރިކަމާއެކު އެ ކަމުގައި ސާބިތުވުމަށް ވެސް އެދިވަޑައިގެންފައިވެއެވެ.
އަދި ގައުމަށް ހެޔޮއެދޭ އެންމެހާ ރައްޔިތުން ރައީސް ޑރ. މުއިއްޒާއެކު ތިބުމަށް ވެސް ޣައްސާންވަނީ ގޮވައިލައްވައިފައެވެ.
“ޕީޕީއެމް އޮތީ ރައީސުލްޖުމްހޫރިއްޔާ ޑރ. މުޙައްމަދު މުއިއްޒާއެކު. ރައީސް މުއިއްޒުގެ ސަރުކާރުގެ ހިމާޔަތުގައި އަތާއިއަތް ގުޅައިގެން މި ތިބި ސަފުތަކުގައި ކެރުމާއި އިޚްލާސްތެރިކަމާއެކު ސާބިތުވެހުރެ، ގައުމަށް ހެޔޮ އެދޭ އެންމެހާ ލޮބުވެތި ދިވެހިންނަށް ރައީސް މުއިއްޒާއެކު ކުރިއަށް ވަޑައިގަތުމަށް ގޮވައިލަން،” ޣައްސާން ކުރެއްވި ޕޯސްޓުގައިވެއެވެ.