ރައްޔިތުންގެ މަޖިލީހުގެ އިންތިހާބުގައި މިއަދު ގއ. މާމެންދޫގައި އުޅުއްވަނިކޮށް މާލޭސިޓީ ޑެޕިއުޓީ މޭޔަރު އަޙްމަދު ނަރީޝްއަށް ހަމަލާދީ މާރާމާރީ ހިންގި މައްސަލަ ފުލުހުން ބަލަން ފަށައިފިއެވެ.
މިމައްސަލައާއި ގުޅިގެން ފުލުހުން ވިިދާޅުވީ މި މައްސަލަ ފުލުހުންނަށް ހުށަހަޅާފައިވަނީ މިއަދު ހަވީރު 5:00 ހާއިރު ކަމަށެވެ. އަދި މި މައްސަލާގައި މިހާތަނަށް އެއްވެސް މީހަކު ހައްޔަރުކޮށްފައި ނުވާ ކަމަށް ފުލުހުން ހާމަކުރައްވައެވެ. ފުލުހުން ވަނީ މިމަ އްސަލަ މިހާރު ތަހުޤީޤު ކުރަމުންދާކަމަށް ވިދާޅުވެފައެވެ.
މައުލޫމާތު ލިބިފައިވާ ގޮތުގައި ޑެޕިއުޓީ މޭޔަރ ނަރީޝްއަށް ހަމަލާ ދީފައިވަނީ އެރަށުގެ ރައްޔިތުންގެ ދައުވަތަކަށް ރޯދަ ވީއްލުމަކަށް އެރަށަށް ވަޑައިގެން އުޅުއްވަނިކޮށެވެ. އަދި ހަމަލާ ދީފައިވަނީ އިންޒާރުވެސް ދިނުމަށްފަހު ކަމަށް މައުލޫމާތު ލިބެއެވެ.