ޕާސްޕޯޓުގެ ޚިދުމަތް ށ. އަތޮޅުގައި ފަށައިފިއެވެ.
މިކަން ހާމަކުރައްވާ އިމިގްރޭޝަނުން ވިދާޅުވީ ރައީސުލްޖުމްހޫރިއްޔާ ޑރ. މުހައްމަދު މުޢިއްޒުގެ ވަޢުދުފުޅާ އެއްގޮތަށް، ދިވެހި ޕާސްޕޯޓުގެ ޚިދުމަތް ހުރިހާ އަތޮޅުތަކަށް ފުޅާކުރުމުގެ މަޝްރޫޢުގެ ދަށުން، ށ. ފުނަދޫގައި ޕާސްޕޯޓުގެ ޚިދުމަތް ރަސްމީކޮށް އިފްތިތާޙުކޮށްފައިވާ ކަމަށެވެ.
މި ޚިދުމަތް އެ އަތޮޅުގައި ފައްޓަވައިދެއްވީ ކޮންޓްރޯލަރ ޖެނެރަލް އޮފް އިމިގްރޭޝަން މުޙައްމަދު ޝަމްޢާން ވަޙީދުއެވެ.
އަދި މި ހިދުމަތް ފެށުމަތް ބޭއްވި ރަސްމިއްޔާތުގައި ށ އަތޮޅުގެ ރައީސް މުޙައްމަދު ޝިޔާމް ވަނީ ބައިވެރިވެވަޑައިގެންފައެވެ.
އިމިގްރޭޝަނުން ވިދާޅުވީ ށ. އަތޮޅުގައި ޚިދުމަތް ފެށުމާއެކު އޮންލައިންކޮށް ހުށަހަޅާ ޕާސްޕޯޓްތައް އެ އަތޮޅުން ނެގޭނެ ކަމަށެވެ.
މިއީ މިލަދުންމަޑުލު އުތުރުބުރީގައި އިމިގްރޭޝަންގެ ޚިދުމަތް ފެށިގެންދިޔަ ފުރަތަމަ ފަހަރެވެ.