ރާއްޖޭގެ ކަރަންޓުގެ ޚިދުމަތް ފޯރުކޮށްދިނުމުގައި އެންމެ އިސް ދައުރެއް އަދާކުރާ ސްޓެލްކޯއިން، ކަސްޓަމަރުންނަށް ފޯރުކޮށްދޭ ޚިދުމަތްތައް އިތުރަށް ހަރުދަނާކޮށް ޒަމާނީކުރުމުގެ މަސައްކަތް ދަނީ ކުރަމުންނެވެ. މިގޮތުން އެންމެ ފާހަގަކޮށްލެވޭ އެއް ކަމަކީ ސްޓެލްކޯއިން ސްމާޓް މީޓަރު ތަޢާރަފުކުރުމަށް ތައްޔާރުވެފައިވާކަން އެ ކުންފުނީގެ އެމްޑީ ހުސެއިން ފަހުމީ އިއުލާން ކުރެއްވުމެވެ.
ސްމާޓް މީޓަރު ހަރުކުރުމުގެ މި މަރުހަލާގެ ތެރެއިން ސްމާޓް އެޕްލިކޭޝަން ކަސްޓަމަރުންނަށް ތަޢާރަފުކުރުމަށް ބޭނުންވާ އެންމެ ފަހުގެ ތައްޔާރީތައް މިހާރު ވަމުންދާކަން ވެސް ފަހުމީ ވަނީ ހާމަކުރައްވާފައެވެ. އަދި ސެޕްޓެމްބަރު މަހުގެ ނިޔަލަށް ސްޓްލްކޯގެ ހުރިހާ ކަސްޓަމަރުންގެ މީޓަރުތައް ސްމާޓް މީޓަރަށް ބަދަލު ކުރެވިގެންދާނެއެވެ. މިއާއެކު ސްމާޓް މީޓަރުގެ މި ސްމާޓް އެޕްލިކޭޝަނާއެކު، ކަސްޓަމަރުންނަށް މީޓަރުގެ މަޢުލޫމާތު ފެނި، ގަޑިއިރަކަށް، ދުވާލަކަށް އަދި ހަފްތާއަކަށް ކަރަންޓު ބޭނުންކުރެވޭ މިންވަރު ވެސް ފެންނަމުންދާނެ ކަމަށްވެސް ފަހުމީ ވިދާޅުވެފައި ވެއެވެ.
ސްމާޓް މީޓަރަކީ ކޮބާ؟
ސްމާޓް މީޓަރަކީ ކަރަންޓު ބޭނުންކުރެވޭ މިންވަރު ވަގުތުން ދައްކައިދޭ، އަދި އޮޓޮމެޓިކުން ސްޓެލްކޯއަށް މަޢުލޫމާތު ފޮނުވޭ ޒަމާނީ މީޓަރެކެވެ. މި މީޓަރުގެ ސަބަބުން ކަސްޓަމަރުންނަށް ގަޑިން ގަޑިއަށް، ދުވަހުން ދުވަހަށް އަދި ހަފްތާއަކުން ހަފްތާއަކަށް ކަރަންޓު ބޭނުންކުރެވޭ މިންވަރު ފެންނަން ހުންނާނެއެވެ.
ސްމާޓް މީޓަރުގައި ހިމެނޭ މުހިންމު ފީޗަރުތަކުގެ ތެރޭގައި:
ރިއަލްޓައިމްކޮށް ކަރަންޓު ބޭނުންކުރެވޭ މިންވަރު ދެއްކުންރި
މީޓަރު ރީޑިންގ އޮޓޮމެޓިކުން ސްޓެލްކޯއަށް ފޮނުވުން
ކަރަންޓު ބޭނުންކުރެވޭ މިންވަރު ތަފާސްހިސާބާއެކު ދެއްކުންު
ސްމާޓް އެޕްލިކޭޝަން މެދުވެރިކޮށް ބިލު ބެލުމުގެ ފުރުސަތު
ސްމާޓް މީޓަރުގެ ސަބަބުން ކަސްޓަމަރުންނަށް ލިބޭ ފައިދާތައް ވަރަށް ގިނައެވެ. މީގެ ތެރޭގައި ކަރަންޓް ބިލު އަންދާޒާކުރުމުގެ ބަދަލުގައި އަސްލު ކަރަންޓް ބޭނުންކުރެވޭ މިންވަރަށް ބިލްކުރެވުމާއި، ކަރަންޓް އިގްތިސާދުކުރުމަށް ފަސޭހަވުމާއި، އެއްފަހަރާ ގިނަ ބިލުތަކަށް ފައިސާ ދެއްކުމުގެ ފުރުސަތު ލިބުމުގެ އިތުރުން ފަސޭހައިން ކަސްޓަމަރ ސަރވިސްއާ ގުޅުމުގެ ފުރުސަތު ފަހިކޮށްދެއެވެ.
ސްމާޓް އެޕްލިކޭޝަންގެ ބޭނުން
ސްޓެލްކޯގެ ސްމާޓް އެޕްލިކޭޝަނަކީ ސްމާޓް މީޓަރާ ގުޅިފައިވާ މުހިންމު ވަސީލަތެއް. މި އެޕްލިކޭޝަނުން:
ކަރަންޓު ބޭނުންކުރެވޭ މިންވަރު ވަގުތުން ބެލުން
ކުރީގަ ބޭނުންކުރެވުނު މިންވަރުގެ ތަފާސްހިސާބު ބެލުން
ބިލުތަކަށް ފައިސާ ދެއްކުން
ކަސްޓަމަރ ސަރވިސްއާ މުއާމަލާތުކުރުން ފަދަ ހިދުމަތްތައް ފަސޭހަކަމާއެކު ފޯރުކޮށްދޭނެއެވެ.
ސްމާޓް މީޓަރުގެ ސަބަބުން ކަރަންޓު ބޭނުންކުރާ މިންވަރު ދަށްކުރުމަށް މަގުފަހިވެ، ތިމާވެށި ހިމާޔަތްކުރުމަށް އެހީތެރިވެދެއެވެ. މީގެ ސަބަބުން ކާރބަން ފުޓްޕްރިންޓް ކުޑަކުރުމަށް މަގުފަހިވެގެންދެއެވެ.
ސްޓެލްކޯގެ ސްމާޓް މީޓަރަކީ ރާއްޖޭގެ ކަރަންޓުގެ ޚިދުމަތް އިތުރަށް ހަރުދަނާކޮށް، ކަސްޓަމަރުންނަށް ފަސޭހަކަމާއެކު ޚިދުމަތް ލިބިގަތުމަށް މަގުފަހިކޮށްދޭ މުހިންމު ފިޔަވަޅެކެވެ. އަދި މި ޚިދުމަތުގެ ބޭނުން އެންމެ ފުރިހަމަ ގޮތުގައި ހިފުމަކީ ކޮންމެ ކަސްޓަމަރެއްގެވެސް ޒިންމާއެއް ކަމަށް ސްޓެލްކޯއިން ދެކެއެވެ.