ހުޅުމާލެ ފޭސް 3 ގެ ބިން ހިއްކުމުގެ މަސައްކަތް އަވަސް މުއްދަތެއްގެ ތެރޭގައި ނިންމުމަށްޓަކައި، އެ ސަރަޙައްދުގައި އަޅާފައިވާ އުޅަނދުފަހަރުތައް 22 ނޮވެމްބަރ 2025 ވާ ހޮނިހިރު ދުވަހުގެ ކުރިން ނެގުމަށް ހައުސިންގ ޑިވެލޮޕްމަންޓް ކޯޕަރޭޝަން (އެޗްޑީސީ) އިން އަނެއްކާވެސް އަންގައިފިއެވެ. މި އުޅަނދުތައް ނެގުމަށް އެޗްޑީސީންް އަންގާފައި ވަނީމާސްޓަރ ޕްލޭނާ އެއްގޮތަށް ހުޅުމާލޭގެ ތަރައްޤީގެ މަޝްރޫޢު ކުރިއަށް ގެންދިއުމަށް ކަމަށް އެ ކޯޕަރޭޝަނުން ބުނެއެވެ.
އެޗްޑީސީން އަލުން އިއުުލާން ނެރެފައި މިވަނީ، މީގެ ކުރިންވެސް މިކަމާ ގުޅޭގޮތުން ނެރެފައިވާ އިޢުލާނުތަކަށް ޙަވާލާދީ ނެރުނު އާ އިޢުލާނެއްގައެވެ. އެޗްޑީސީން ބުނީ، ހުޅުމާލޭ މާސްޓަރ ޕްލޭނާ އެއްގޮތަށް ފޭސް 3 ހިއްކަންޖެހޭ ސަރަޙައްދުތައް ހިއްކުމުގެ މަސައްކަތް އަވަސް މުއްދަތެއްގެ ތެރޭގައި ނިންމުމަށްޓަކައި ކުރަންޖެހޭ މަސައްކަތްތައް ކުރަމުންދާ ކަމަށެވެ.
އަދި މި މަސައްކަތްތަކުގެ ތެރެއިން، ބިން ހިއްކުމަށް ހަމަޖެހިފައިވާ ސަރަޙައްދުގައި އަޅާފައިވާ އުޅަނދުތައް އެ ސަރަޙައްދުން ނެގުމަށް އެކި ފަހަރުމަތިން ޢާއްމުކޮށް އަންގައި އިޢުލާނު ކުރިނަމަވެސް، ދެވިފައިވާ މުއްދަތުގައި ހުޅުމާލެ ފަޅުތެރޭގައި ހުރި ގިނަ އަދަދެއްގެ އުޅަނދުތައް ނަގާފައިނުވާކަން ފާހަގަކުރެވިފައިވާކަމަށް ބުނެފައިވެއެވެ. އަދި އެ އުޅަނދުފަހަރުތައް ތިލަފުށި، ގުޅީފަޅު، އަދި ކުޑަގިރިން ކަނޑައަޅާފައިވާ ސަރަޙައްދުތަކުގައި އެޅުމުގެ ފުރުޞަތު ފަހިކޮށްދީފައިވާނޭކަންވެސް އެޗްޑީސީން ހަނދާން އައު ކޮށްދީފައިވެއެވެ.
އެހެންކަމުން، އެ ކޯޕަރޭޝަނުން ޢާންމުކޮށްފައިވާ ޗާޓުގައިވާ ސަރަހައްދުގައި އަޅާފައިވާ އުޅަނދުތައް 22 ނޮވެމްބަރ 2025 ވާ ހޮނިހިރު ދުވަހުގެ ގެ 15:30 ގެ ކުރިން އެ ސަރަހައްދުން ނެގުމަށް ވަނީ ޢާއްމުކޮށް އަންގާފައެވެ.
އެޗްޑީސީން ވަނީ އެ މުއްދަތުގެފަހުން ވެސް ބިން ހިއްކުމުގެ މަސައްކަތަށް ހުރަސްއެޅޭގޮތަށް އަޅާފައިވާ އުޅަނދުތައް ވެރިފަރާތުން ނުނަގާނަމަ، އެ އުޅަނދުތައް އެ ކޯޕަރޭޝަނުން ނަގާނެކަމަށް ބުނެފައެވެ. އަދި މިގޮތަށް އުޅަނދު ނެގުމުގެ ތެރޭގައި އުޅަނދަށް ލިބޭ އެއްވެސް ގެއްލުމަކަށް އެޗްޑީސީން ޒިންމާ ނުވާނެ ކަމަށް ބުނެފައިވެއެވެ.
ހުޅުމާލެ ފޭސް 3 ގެ ބިން ހިއްކުމުގެ މަސައްކަތް އަވަސް މުއްދަތެއްގެ ތެރޭގައި ނިންމުމަށްޓަކައި، އެ ސަރަޙައްދުގައި އަޅާފައިވާ އުޅަނދުފަހަރުތައް 22 ނޮވެމްބަރ 2025 ވާ ހޮނިހިރު ދުވަހުގެ ކުރިން ނެގުމަށް ހައުސިންގ ޑިވެލޮޕްމަންޓް ކޯޕަރޭޝަން (އެޗްޑީސީ) އިން އަނެއްކާވެސް އަންގައިފިއެވެ. މި އުޅަނދުތައް ނެގުމަށް އެޗްޑީސީންް އަންގާފައި ވަނީމާސްޓަރ ޕްލޭނާ އެއްގޮތަށް ހުޅުމާލޭގެ ތަރައްޤީގެ މަޝްރޫޢު ކުރިއަށް ގެންދިއުމަށް ކަމަށް އެ ކޯޕަރޭޝަނުން ބުނެއެވެ.
އެޗްޑީސީން އަލުން އިއުުލާން ނެރެފައި މިވަނީ، މީގެ ކުރިންވެސް މިކަމާ ގުޅޭގޮތުން ނެރެފައިވާ އިޢުލާނުތަކަށް ޙަވާލާދީ ނެރުނު އާ އިޢުލާނެއްގައެވެ. އެޗްޑީސީން ބުނީ، ހުޅުމާލޭ މާސްޓަރ ޕްލޭނާ އެއްގޮތަށް ފޭސް 3 ހިއްކަންޖެހޭ ސަރަޙައްދުތައް ހިއްކުމުގެ މަސައްކަތް އަވަސް މުއްދަތެއްގެ ތެރޭގައި ނިންމުމަށްޓަކައި ކުރަންޖެހޭ މަސައްކަތްތައް ކުރަމުންދާ ކަމަށެވެ.
އަދި މި މަސައްކަތްތަކުގެ ތެރެއިން، ބިން ހިއްކުމަށް ހަމަޖެހިފައިވާ ސަރަޙައްދުގައި އަޅާފައިވާ އުޅަނދުތައް އެ ސަރަޙައްދުން ނެގުމަށް އެކި ފަހަރުމަތިން ޢާއްމުކޮށް އަންގައި އިޢުލާނު ކުރިނަމަވެސް، ދެވިފައިވާ މުއްދަތުގައި ހުޅުމާލެ ފަޅުތެރޭގައި ހުރި ގިނަ އަދަދެއްގެ އުޅަނދުތައް ނަގާފައިނުވާކަން ފާހަގަކުރެވިފައިވާކަމަށް ބުނެފައިވެއެވެ. އަދި އެ އުޅަނދުފަހަރުތައް ތިލަފުށި، ގުޅީފަޅު، އަދި ކުޑަގިރިން ކަނޑައަޅާފައިވާ ސަރަޙައްދުތަކުގައި އެޅުމުގެ ފުރުޞަތު ފަހިކޮށްދީފައިވާނޭކަންވެސް އެޗްޑީސީން ހަނދާން އައު ކޮށްދީފައިވެއެވެ.
އެހެންކަމުން، އެ ކޯޕަރޭޝަނުން ޢާންމުކޮށްފައިވާ ޗާޓުގައިވާ ސަރަހައްދުގައި އަޅާފައިވާ އުޅަނދުތައް 22 ނޮވެމްބަރ 2025 ވާ ހޮނިހިރު ދުވަހުގެ ގެ 15:30 ގެ ކުރިން އެ ސަރަހައްދުން ނެގުމަށް ވަނީ ޢާއްމުކޮށް އަންގާފައެވެ.
އެޗްޑީސީން ވަނީ އެ މުއްދަތުގެފަހުން ވެސް ބިން ހިއްކުމުގެ މަސައްކަތަށް ހުރަސްއެޅޭގޮތަށް އަޅާފައިވާ އުޅަނދުތައް ވެރިފަރާތުން ނުނަގާނަމަ، އެ އުޅަނދުތައް އެ ކޯޕަރޭޝަނުން ނަގާނެކަމަށް ބުނެފައެވެ. އަދި މިގޮތަށް އުޅަނދު ނެގުމުގެ ތެރޭގައި އުޅަނދަށް ލިބޭ އެއްވެސް ގެއްލުމަކަށް އެޗްޑީސީން ޒިންމާ ނުވާނެ ކަމަށް ބުނެފައިވެއެވެ.