އަންނަ އަހަރުގެ ދިރާސީ އަހަރަށް ދަރިވަރުންނަށް ބޭނުންވާ ޓެކްސްޓް ފޮތްތައް އަތޮޅުތަކުގެ ރަށްރަށަށް ފޮނުވުމުގެ މަސައްކަތް ފަށާފައިވާކަމަށް އެޑިއުކޭޝަން މިނިސްޓްރީން ބުނެފިއެވެ. އެޑިއުކޭޝަން މިނިސްޓްރީން ބުނެފައިވާ ގޮތުގައި، ދިރާސީ އާ އަހަރު ފެށުމުގެ ކުރިން ހުރިހާ ދަރިވަރުންނަށް ބޭނުންވާ ޓެކްސްޓް ފޮތްތައް ފުރިހަމައަށް ސްކޫލްތަކަށް ލިބިފައިވާކަން ކަށަވަރު ކުރާނެ އެވެ. އަންނަ އަހަރުގެ ދިރާސީ އަހަރު ފެށުމަށް ހަމަޖެހިފައި ވަނީ އަންނަ މަހުގެ ފަހުކޮޅު އެވެ.
މިނިސްޓްރީން ހާމަކުރި ގޮތުގައި، މިހާރު ކުރިއަށްދާ ދިރާސީ އަހަރުގެ ކިޔެވުން ނިމި، ބޮޑު ޗުއްޓީ ފެށޭނީ މިމަހުގެ 25 ވަނަ ދުވަހު އެވެ. އަދި މި ޗުއްޓީ ނިންމުމަށް ފަހު، އަންނަ އަހަރުގެ ދިރާސީ އަހަރުގެ ކިޔެވުން ފެށުމަށް ހަމަޖެހިފައި ވަނީ އަންނަ މަހުގެ 27 ވަނަ ދުވަހު އެވެ. މިގޮތަށް ކަންކަން ކުރިއަށްދާއިރު، ދަރިވަރުންނަށް ކިޔެވުމަށް ބޭނުންވާ އެއްވެސް އެއްޗެއް ދިރާސީ އަހަރު ފެށޭއިރު މަދުނުވާނެ ކަމުގެ ޔަގީންކަން މިނިސްޓްރީން ދެ އެވެ.
އެކަޑަމިކް ކަލަންޑަރުގައިވާ ގޮތުން، އަންނަ އަހަރުގެ ފުރަތަމަ ޓާމްގެ ކިޔެވުން ނިންމާލުމަށް ފަހު، ދަރިވަރުންނަށް ޗުއްޓީއެއް ލިބޭނީ ޖުލައި މަހުގެ 17 ވަނަ ދުވަހުން އޮގަސްޓް މަހުގެ 1 ވަނަ ދުވަހުގެ ނިޔަލަށެވެ.
އަދި ދެވަނަ ޓާމްގެ ކިޔެވުން އޮގަސްޓް 2 ވަނަ ދުވަހު ފެށޭއިރު، ދެވަނަ ޓާމްގެ ކިޔެވުން ނިންމުމަށް ފަހު، ބޮޑު ޗުއްޓީ ލިބޭނީ ޑިސެމްބަރު 18 ވަނަ ދުވަހުން ފެށިގެން 2027 ވަނަ އަހަރުގެ ޖެނުއަރީ މަހުގެ 12 ވަނަ ދުވަހުގެ ނިޔަލަށެވެ. އަދި 2027 ވަނަ އަހަރުގެ ދިރާސީ އަހަރުގެ ކިޔެވުން ފެށުމަށް ހަމަޖެހިފައި ވަނީ އެ އަހަރުގެ ޖެނުއަރީ 17 ވަނަ ދުވަހު އެވެ.
މި ބަދަލުތަކާއެކު، ދަރިވަރުންނަށް ދިރާސީ އަހަރުގެ ކިޔެވުން ހުއްޓުމެއްނެތި ކުރިއަށް ގެންދިއުމަށް މިނިސްޓްރީން ދަނީ މަސައްކަތް ކުރަމުންނެވެ.