އަންހެނުންގެ ތަރައްގީއަށް މަސައްކަތް ކުރާ ކޮމިޓީތަކުގެ ދެ ދާއިރާއެއް ވޯޓުލުން ފަށައިފިއެވެ.
އެގޮތުން ކުރިއަށްދަނީ އައްޑޫ ސިޓީ ހިތަދޫ އަދި ތ. ވަންދޫ އަންހެނުންގެ ތަރައްޤީއަށް މަސައްކަތްކުރާ ކޮމިޓީގެ ބައި-އިލެކްޝަންގެ ވޯޓުލުމެވެ.
އިލެކްޝަންސް ކޮމިޝަނުން ބުނީ އައްޑޫ ސިޓީ ހިތަދޫ ދާއިރާ އާއި ތ. ވަންދޫ އަންހެނުންގެ ތަރައްޤީއަށް މަސައްކަތްކުރާ ކޮމިޓީގެ ބައި-އިލެކްޝަންގެ ވޯޓުލުން މިއަދު ހެނދުނުން ފެށިގެން ކުރިއަށްދާ ކަމަށެވެ.
މި އިންތިޚާބުގެ ވޯޓުލުން ކުރިއަށްދާނީ ހެނދުނު 08:00 އިން ފެށިގެން ހަވީރު 16:00އާ ހަމައަށެވެ.
މި އިންތިހާބަށް ޖުމްލަ 16 ވޯޓް ފޮށި ބަހައްޓާފައިވެއެވެ.
މިއަދު ކުރިއަށްދާ ބައި-އިލެކްޝަންތަކުގައި އެމްޑީޕީ އާއި ޕީޕީއެމް އަދި އެމްއެންޕީގެ ކެންޑިޑޭޓުން ވާދަ ކުރެއެވެ.