45 ދުވަހު ބަންދުގައި ބެހެއްޓުމަށްފަހު އިދިކޮޅު ކޯލިޝަންގެ ހަރަކާތު ޑިޕާޓްމަންޓްގެ ޗެއަރ މުހައްމަދު އިސްމާއިލް ދޫކޮށްލައިފިއެވެ.
ޕީޕީއެމުން ބުނެފައިވަނީ ކުރީގެ ހޯރަފުށީ ދާއިރާގެ މެންބަރު މުހައްމަދު ހައްޔަރުކޮށްފައިވަނީ މި ސަރުކާރުން ފުރޭމްކޮށްގެން ކަމަށެވެ.
މި އަހަރުގެ ޔޯގާ ދުވަސް ފާހަގަކުރަން ސަރުކާރު ވެސް ބައިވެރިވެގެން މިދިޔަ ޖޫން މަހު ގަލޮޅު ދަނޑުގައި ހަރަކާތް ކުރިއަށް ގެންދަނިކޮށް، އެ ތަނަށް ވަދެ ހިންގި ހަމަނުޖެހުންތަކާ ގުޅިގެން ހައްޔަރުކުރި މުހައްމަދު އިސްމާއިލްގެ ބަންދުގެ މުއްދަތު އެކި ފަހަރު މަތިން ކޯޓުން ވަނީ އިތުރުކޮށްފަ އެވެ. އެންމެ ފަހުން އޭނާގެ ބަންދަށް އިތުރުކުރީ 30 ދުވަހެވެ.
ޔޯގާ ހަރަކާތާއި ގުޅިގެން ވިއްސަށްވުރެ ގިނަ މީހުން ހައްޔަރު ކުރި އިރު މިހާރު ވަނީ ބައެއް މީހުން ދޫކޮށްލައިފިއެވެ.