ރާއްޖެ މިއަދު މިއޮތީ އިސްލާހީ މަސައްކަތްތަކަކަށް ބޭނުންޖެހިފައި ކަމަށް ކުރީގެ އިސްލާމިކް މިނިސްޓަރ ޑރ މުހައްމަދު ޝަހީމް އަލީ ސައީދު ވިދާޅުވެއްޖެއެވެ.
ޝަހީމް ކުރެއްވި ޓުވީޓެއްގައި ވިދާޅުވީ، އިގުތިސާދު ހެޔޮގޮތުގައި ބޭނުން ހިފޭނެ ގޮތް ހަދައި ނަސަބަތް ބެލުމެއްނެތި ތައުލީމީ ދަރިންނަށް ވެސް ދައުލަތުގެ ތެރެއިން ޖާގަ ހޯދައި އިޖުތިމާއީ ފޭރާން އަލުން އިޔާދަކޮށް ޒުވާން ޖީލަށް ފުރުސަތު ލިބޭނެ މަގު ހޯދަން ޖެހިފައި ކަމަށެވެ.
ޝަހީމް މިގޮތަށް ވިދާޅުވެފައިވަނީ ރާއްޖެ އިސްލާހު ކުރަން ކަމަށް ވިދާޅުވެ ރައްޔިތުން މަޖިލީހުގެ ރައީސް، ރައީސް މުހައްމަދު ނަޝީދު ރާއްޖޭގެ ނިޒާމު ބަދަލު ކުރުމަށް މަސައްކަތް ކުރަމުންދާ ދަނޑިވަޅެއްގައެވެ.