ސްޓެލްކޯއަށް ދައްކަން ޖެހޭ 6.5 މިލިއަން ރުފިޔާ ނުދައްކައިގެން އެފްއޭއެމް ހައުސް އިން ކަރަންޓް ކަނޑާލައިފިއެވެ.
އެގޮތުން ސްޓެލްކޯއިން ބުނީ ފުޓްބޯލް އެސޯސިއޭޝަން އޮފް މޯލްޑިވްސް (އެފްއޭއެމް) އިން ދައްކަންޖެހޭ 6.5 މިލިއަން ރުފިޔާ ދެެއްކުމަށް އެކި ފަހަރުމަތިން އަންގާފައިވާ ކަމަށެވެ.
އަދިއެ ފައިސާދެއްކޭނެ ގޮތުގެ ޕްލޭނެއް ހުށަހެޅުމަށް ގިނަ ފުރުސަތުތަކެއްދެވި، އެކަންވެސްކޮށްފައި ނުވާތީ، އެފްއޭއެމް ހައުސްއިން ވަނީ ކަރަންޓުގެ ހިދުމަތް މެދުކަނޑާލާފައި ކަމަށެވެ.
އަދި މި ފައިސާ ނުދައްކާނަމަ، އެފްއޭއެމްގެ އެހެން އިމާރާތްތަކުންވެސް ކަރަންޓުގެ ހިދުމަތް މެދުކަނޑާލުމަށް އެކުންފުނިން ދަނީ ވިސްނަމުން ކަމަށް ސްޓެލްކޯއިން ހާމަކުރެއެވެ.
އެފްއޭއެމްއަށް ގިނަ ފާޑުކިޔުންތަކެއް މިހާރުވެސް ދަނީ އަމާޒުވަމުންނެވެ. އެގޮތުން ކުޅުންތެރިންނަށް ދޭންޖެހޭ ފައިސާ ނުދިނުމުގެ އިތުރަށް އެތަނުގެ މުވައްޒަފުންނަށް ދޭންޖެހޭ މުސާރަ ނުދިނުމުގެ އެތައް މައްސަލަތަކެއްވެސް ދަނީ ފެންމަތިވަމުންނެވެ.
ކޮއްކޮމެންނޭ އެފްއޭއެމެއްވާނެތޭ! އަމީން އެވެނިޔުއިން 22މިލިއަން އަށް ޕެންޓްހައުސެއްގަނެ، ދެމަފިރިންގެ ދަތުރުފުޅުތަކަށް ހަރަދުކުރީމާ މިޖެހެނީ އެފްއޭއެމަށް މާލެއާއި ހުޅުމާލެއިން ލިބިފައިހުރި ބިންތައްވެސް ނުއަގުގައި ދިގު މުއަދަތަށް މީހުންނަށް ދީފައި ގަނޑުކޮށް ފައިސާވެސް ނަގާށެވެ. މިތަން އޯޑިޓް ކުރާނެބަޔަކު ނުތިބޭހެއްޔެވެ؟ މީ ބައްސާމާއި ޖާގެ ތަރިކަ މުދަލެވެ.