ޕީޕީއެމް ހުޅުމާލެ ދާއިރާގެ ރައީސް ސަމަދު އާއި ގުޅޭގޮތުން ޑިފެންސް މިނިސްޓަރ މާރިޔާ ދެއްކެވި ވާހަކައަށް ޖަވާބުދާރީވާން މަޖިލީހަށް ހާޒިރު ކުރާނެ ކަމަށް ނައިފަރު ދާއިރާގެ މެންބަރު މުހައްމަދު ޝިޔާމް ވިދާޅުވެއްޖެއެވެ.
ޝިޔާމް މިހެން ވިދާޅުވީ ރޭ އެމްޑީޕީގެ ރިޔާސީ ޓިކެޓު ރައީސް ސާލިހަަށް އެރުވުމަށް ކާނިވަލުގައި ބޭއްވި ޖަލްސާގައި ވާހަކަ ދައްކަވަމުން ސަމަދުބެއަށް ވަރަށް ބޮޑަށް މަލާމާތްކުރައްވައި ފުރައްސާރަކޮށްފައެވެ.
މިކަން ކުށްވެރިކޮށް ކުރެއްވި ޓުވީޓެއްގައި ޝިޔާމް ވިދާަޅުވީ، ދިވެހި ދަރި އަކާ ދޭތެރޭ ހާއްސަކޮށް ދިވެހި ސަލާމަތީ ޚިދުމަތުގައި ގިނަދުވަސްތަކެއްވަންދެން ޚިދުމަތްކުރައްވާ ޝަރަފުވެރި ކަމާއިއެކު ރިޓަޔަރ ކުރައްވާފައިވާ ސަމަދުބެއާދޭތެރޭ ދިފާއީ ވަޒީރު މާރިޔާގެ ދަށުދަރަޖައިގެ ބަސްމަގަށް ޖަވާބުދާރީ ކުރުވަން މަޖިލީހަށް ޙާޒިރުކުރާނެ ކަމަށެވެ.
