ކުރީގެ ރައީސް މުހައްމަދު ނަޝީދާއި ރައްޔިތުންގެ މަޖިލީހުގެ އައްޑޫ ސިޓީ ހިތަދޫ ދާއިރާގެ މެމްބަރު އަހްމަދު ރަޝީދު އެމްޑީޕީ އިން ވަކިވެވަޑައިގެންފިއެވެ.
ރައީސް ނަޝީދު އެމްޑީޕީ އިން ވަކިވި ކަން ހާމަކޮށް އެ ޕާޓީއަށް ފޮނުވި ސިޓީ ރައީސް ނަޝީދު ވަނީ ޓްވީޓް ކުރައްވާފައެވެ.
އެ ސީޓީގައި ނަޝީދު ވިދާޅުވެފައިވަނީ ގައުމުގައި މިވަގުތު ކަންކަން ހިނގަމުންދާ ގޮތުން އެމްޑީޕީގައި މިވަގުތު ހުރުމަކީ އެންމެ ރަނގަޅު ގޮތް ކަމަށް ފެނިވަޑައިނުގަންނަވާ ކަމަށެވެ. އެހެންކަމުން އެ ޕާޓީ އިން ވަކިވީ ކަމަށެވެ.
ރައްޔިތުންގެ މަޖިލީހުގައި އައްޑޫ ސިޓީ ހިތަދޫ މެދު ދާއިރާ ތަމްސީލުކުރައްވަމުން ގެންދަވާ އަހްމަދު ރަޝީދުވެސް އެމްޑީޕީ އިން ވަކިވެވަޑައިގެންފައި ވަނީ މިއަދުއެވެ. އޭނާ ޕާޓީ އިން ވަކިވެވަޑައިގަތްކަން އެ ޕާޓީގެ ޗެއަރޕަރސަން ފައްޔާޒް އިސްމާއިލަށްސިޓީއަކުން ވަނީ އަންގާފައެވެ.