މިއަހަރު ބާއްވާ ރިޔާސީ އިންތިހާބުގައި ވާދަކުރާނެކަން އިއުލާނުކޮށްފައިވާ ޖުމުހޫރީޕާޓީގެ ލީޑަރު ގާސިމު އިބްރާހިމް އާއި އަލީ ވަހީދު ބައްދަލުކޮށްފިއެވެ.
ޖުމުހޫރީ ޕާޓީން ކުރި ޓުވީޓެއްގައި ބުނީ ޖުމްހޫރީޕާޓީގެ ކުރީގެ ރައީސް އަލީ ވަހީދު މިއަދު ޖޭޕީގެ ލީޑަރ އޮނރަބްލް ގާސިމް އިބްރާހިމް އާއި ބައްދަލުކުރައްވައިފަވާ ކަމަށެވެ.
އަދި މިބައްދަލުވުމަށް އަލީ ވަހީދު ވިލާ މާމިގިލީ އެއަރޕޯޓަށް ވަޑައިގަތުމުން މަރުހަބާ ދެއްނެވީ ޕާޓީގެ ލީޑަރ އޮނަރަބްލް ގާސިމް އިބްރާހިމް ކަމަށް ވެސް އެޕާޓީން ބުނެފައިވެއެވެ.
އެނގިފައިވާ ގޮތުގައި އަލީވަހީދު މިއަދު ގާސިމާއި ބައްދަލު ކުރީ ރައީސް ސާލިހުގެ އެންގެވުމަށް ރިޔާސީ އިންތިހާބުގައި ގާސިމު ވާދަނުކުރައްވާ ރައީސް ސާލިހު އާއެކު ނިކުންނެވުމާ ގުޅޭ ގޮތުން މަޝްވަރާ ކުރުމަށެވެ.