ރެއިން ފެށިގެން މާލޭގައި އާދަޔާ ހިލާފަށް ހޮޑާއި ބޭރަށް ހިންގުން ފެތުރެން ފަށާފައިވާ ކަމަށް ހެލްތް މިނިސްޓްރީން ބުނެފިއެވެ.
ހެލްތް މިނިސްޓްރީން ބުނީ މާލޭގައި ހޮޑުލުމާއި ބޭރަށް ހިންގުން ކުއްލި ގޮތަކަށް އާންމު ވުމާއި ގުޅިގެން، އޭގެ ސަބަބުން، ކަމާއި ގުޅުންހުރި މުވައްސަސާތަކާއި ގުޅިގެން ބަލަމުންދާ ކަމަށެވެ.
އަދި ބުނެފައިވަނީ، މާލޭގައި ކުއްލި ގޮތަކަށް ހޮޑުލުމާއި ބޭރަށް ހިންގު އާންމެ ވެފައިވާކަން އެމުވައްސަސާއަށް ފާހަގަ ވެފައިވާ ކަމުގައެވެ.
ކުޑަކުދިންގެ ހާއްސަ ޑޮކްޓަރ ޑރ ނިޔާފު ވިދާޅުވީ ހޮޑާއި ބޭރަށް ހިންގުން އިތުރުވެ ގިނަ އަދަދެއްގެ ކުޑަކުދިންނާއި ޒުވާނުން އޭޑީކޭގެ އިމަރޖެންސީއަށް ރެއިން ފެށިގެން ދައްކަމުންދާ ކަން ފާހަގަވެފައިވާ ކަމަށެވެ.