މިއަހަރު ބާއްވާ ރިޔާސީ އިންތިހާބުގައި ވާދަކުރުމަށް ކެންޑިޑޭޓަކު ނެރުމަށް ޕީއެންސީގެ މަޝްވަރާ މަޖިލީހުން ދާދި ދެންމެއަކު ފާސްކޮށްފިއެވެ.
ޕީޕީއެމްގެ ތަރުޖަމާނު ހީނާ ވަލީދު ވިދާޅުވީ ޕީއެންސީން ކުރިއަށް އޮތް ރިޔާސީ އިންތިހާބުގައި ވާދަކުރުމަށް އެޕާޓީގެ މަޝްވަރާ މަޖިލީހުގެ ބައްދަލުވުމުގައި ބައިވެރިވި 47 މެންބަރުންގެ ތެރެއިން 44 ވޯޓުގެ އަގުލަބިއްޔަތުން ފާސްކޮށްފައިވާ ކަމަށެވެ.
އެޕާޓީން އިންތިހާބުގައި ވާދަކުރާނެ ކެންޑިޑޭޓެއް އަދި ނިންމާފައެއްނުވެއެވެ.
ހީނާ ވިދާޅުވީ މިއަދުގެ މަޝްވަރާ މަޖިލީހުން އެއްވެސް އިތުރު ނިންމުމެއް ނުނިންމާ ކަމަށެވެ. ނަމަވެސް މިއަދުގެ 14:00 ޖެހުމާއި ހަމައަށް އެ ޕާޓީގެ ރިޔާސީ ޓިކެޓް ހޯދުމަށް ޝައުގުވެރިވާ ފަރާތްތަކުން ކުރިމަތިލުމުގެ ފުރުސަތު ހުޅުވާލާފައިވާ ކަމަށެވެ.