ޕީއެންސީގެ ރިޔާސީ ޓިކެޓް މާލެ ސިޓީގެ މޭޔަރު ޑރ މުހައްމަދު މުއިއްޒުއަށް ލިބިއްޖެއެވެ.
މުއިއްޒުއަށް ރިޔާސީ ޓިކެޓް ލިބިފައި ވަނީ މިއަދު ހަވީރު 16:30 ގައި ބޭއްވި އެޕާޓީގެ މަޝްވަރާ މަޖިލީހުގައި ނެގި ވޯޓުން ކުރި ހޯއްދަވައިގެންނެވެ.
މި އިންތިހާބުގައި ވާދަކުރެއްވީ މަޑުއްވަރީ ދާއިރާގެ މެންބަރު އާދަމް ޝަރީފު އުމަރާއި ޑރ މުހައްމަދު މުއިއްޒުއެވެ.
މޭޔަރު މުއިއްޒު މި އިންތިހާބު ކާމިޔާބު ކުރެއްވީ ވޯޓުގައި ބައިވެރިވި 25 މެންބަރުންގެ ވޯޓާއެކުއެވެ. އާދަމް ޝަރީފަށް ލިބިވަޑައިގަތީ 23 ވޯޓެވެ. އިންތިހާބުގައި ވޯޓުލާފައިވަނީ 48 މެންބަރުންނެވެ.