ސުޕްރީމް ކޯޓު ހިމެނޭ ސަރަހައްދުން ކަރަންޓް ކެނޑިފައި ހުރުމުން، ކުރީގެ ރައީސް ޔާމީން ރިޔާސީ އިންތިހާބަށް ކުރިމަތިލައްވާ ހުށަހެޅުއްވި ކެންޑިޑެސީ އިލެކްޝަންސް ކޮމިޝަނުން ބަލައިނުގަތް މައްސަލައިގެ ޝަރީއަތަށް ހުރަސް އެޅިއްޖެއެވެ.
އިދިކޮޅު ފަރާތްތަކުން ދަނީ މިއީ ސަރުކާރުގެ ނުފޫޒުން ސްޓެލްކޯގެ އެމްޑީ ޝަރީފް އިސްވެ ހުންނަވައި ކުރައްވާފައިވާ ކަމެއް ކަމަށް ތުހުމަތު ކުރަމުންނެވެ.
ރައީސް ޔާމީންގެ މައްސަލަ ތާވަލުކޮށްފައި އޮތީ މިއަދު މެންދުރު 14:30 އަށެވެ.
ސްޕްރީމްކޯޓުގައި ކަރަންޓް ނެތްނަމަވެސް ކައިރި ބައެއް ސަރަހައްދުތަކުގައިވެސް ކަރަންޓް ހުރިކަން ފާހަގަކޮށްލެވެއެވެ.
އިލެކްޝަންސް ކޮމިޝަނުން ރައީސް ޔާމީންގެ ކެންޑިޑެސީ ބަލައިނުގަތީ އެމަނިކުފާނުގެ މައްޗަށް 11 އަހަރުގެ ޖަލު ހުކުމެއް އިއްވާފައި އޮތުމުންނެވެ. ރައީސް ޔާމީން ގެންދަވަނީ މާފުށީ ޖަލުގައި އެހުކުމް ތަންފީޒު ކުރައްވަމުންނެވެ.