ކުރިއަށް އޮތް ރިޔާސީ އިންތިހާބުގެ ކެމްޕެއިނަށް ލ އަތޮޅަށް އިދިކޮޅު ކެންޑިޑޭޓު ޑރ މުހައްމަދު މުއިއްޒު ވަޑައިގަތުމުން އެތައް ސަތޭކަ ބަޔަކު ނިކުމެ ހޫނު މަރުހަބާއެއް ކިޔައިފިއެވެ.
ޑރ މުއިއްޒު ލ ކައްދޫ އެއާޕޯޓުން ނިކުމެވަޑައިގަތުމުން ލ. އަތޮޅުގެ ޒުވާނުން ވަނީ ބޮޑުބެރު ޖެހުމަށްފަހު އޭނާ އަށް މަރުޚަބާ ކިޔާފައެވެ. އެއާޕޯޓުގެ މައި ދޮރުން ފެށިގެން ޑރ.މުއިއްޒު ސަލާން ކުރަން ފައްޓަވައި އަދި ސަލާމް ކުރުން ނިންމަވާލައްވާފައި ވަނީ ލ.ފޮނަދޫ ފެށޭ ހިސާބުންނެވެ.
ޗައިނާ ކޮންސްޓްރަކްޝަން ސައިޓާއި ހަމައަށް ދިގު ކިޔުގައި ތިބި ރައްޔިތުންނާއި ސަލާމްކުރުމަށް ޑރ މުއިއްޒު 45 ވަރަކަށް މިނެޓް ހޭދަކުރެއްވިއެވެ.
އެތަނަށް އެއްވި ތިބި މީހުން ގޮވަމުން ދިޔައީ އެއްބުރުން މުއިއްޒު އިންތިހާބު ކުރަން ލ އަތޮޅު ރެޑީ ކަމަށެވެ.
ޑރ މުއިއްޒުގެ ކެމްޕެއިން ޖަލްސާ އޮންނާނީ މިރޭ ލ ފޮނަދޫގައެވެ.