ކުރީގެ ރައީސް ޔާމީނުގެ އަނބިކަނބަލުން ފާތިމަތު އިބްރާހިމްގެ ކުއްލި ފެނިލުމާއެކު ޕީޕީއެމްގެ ބިޔަ ލަޝްކަރަށް ބޮޑު ހިތްވަރެއް ލިބިއްޖެއެވެ.
ކުރިން އިއުލާނު ކުރެވިގެން މިރޭ މެޑަމް ފާތުން ދިވެހީންގެ ކެންޑިޑޭޓުގެ ޖަގަހަށް 20:30 ގައި ވަޑައިގަންނަވަން ހަމަޖެހިފައި އޮތުމުން ރައީސް ޔާމީނުގެ ގެކޮޅު ކައިރިއަށް އޮތީ ގިނަ ބަޔަކު އެއްވެފައެވެ.
މެޑަމް ފާތުންގެ ފަހަތުން ޕީޕީއެމް ސަޕޯޓަރުން ދިވެހީންގެ ޖަގަހައަށް ބޮޑުތަކުރުފާނު މަގުން ފައިމަގުގައި ދިޔަ އިރު ބޯކޮށް ވާރޭވެހެމުންދިޔައެވެ.
އެއަށްފަހު މެޑަމް ޖަގަހައަށް ވަޑައިގަނެ އެތަނުގައި ސަޕޯޓަރުންނާއި ބައްދަލު ކުރެއްވުމަށްފަހު އެއްވެ ތިބި މީހުނާއި ސަލާމް ކުރުމަށް ގަޑިއެއްހާއިރު ހޭދަކުރެއްވިއެވެ.
މިއީ ޑރ މުއިއްޒު ކެމްޕެއިން ހަރަކާތުގައި މެޑަމް ފާތުން ބައިވެރިވި ފުރަތަމަ ފަހަރެވެ.