ކުރިއަށް އޮތް ފަސް އަހަރަށް ރާއްޖޭގައި ރައީސުލްޖުމުހޫރިއްޔާ ކަން ކުރައްވާނެ ރައީސަކު ހޮވުމަށް ބާއްވާ ތާރީހީ އިންތިހާބުގެ ވޯޓުލުން ފަށައިފިއެވެ.
ރިޔާސީ އިންތިހާބު 2023 ގެ ވޯޓުލުން ފެށީ ހެނދުނު 8:00 އެވެ. އަދި ވޯޓުލުން ނިމޭނީ ހަވީރު 4:00 އިރުއެވެ.
ހަވީރު 4 ޖަހާއިރު ވޯޓުލުމަށް ކިއޫގައި މީހަކު ނެތްނަމަ، ކިޔޫ ބަންދު ކުރާނެއެވެ.
މިއަހަރުގެ ރިޔާސީ އިންތިހާބުގައި ވޯޓުލުމުގެ ހައްގު ލިބިގެންވާ ދެލައްކަ އަށްޑިހަ ދެހާސް ތިންސަތޭކަ ނުވަދިހަ ފަސް މީހުން އެބަތިއްބެވެ.
މުޅި ރާއްޖޭގައި ބަހައްޓާފައިވަނީ 574 ވޯޓު ފޮއްޓެވެ.
ހެނދުނު 7:30 އިން ފެށިގެން ވޯޓުލާ މަރުކަޒުތަކުގައި އާއްމުން ވަނީ ކިޔުތައް ހަދަން ފަށާފައެވެ. ވޯޓުލާން ފުރަތަމަ އައި 2 މީހުންގެ ހާޒިރުގައި ސެކިޔުރިޓީ އުރަ ކެނޑުމަށްފަހު، 8 ޖަހާއިރު ވަނީ ވޯޓުލުން ފަށާފައެވެ. ހަވީރު 4 ޖަހާއިރު ވޯޓުލުމަށް ކިއޫގައި މީހަކު ނެތްނަމަ، ކިޔޫ ބަންދުކުރުމަށްފަހު 30 މިނެޓްފަހުން ވޯޓު ގުނަން ފަށާނެކަމަށް އިލެކްޝަންސް ކޮމިޝަނުން ބުނެއެވެ. ވޯޓުލާން ފެށުމާއެކު ވީހާވެސް އަވަހަކަށް ވޯޓުލުމުގެ ޙައްގު އަދާކުރެއްވުމަށް އިލެކްޝަންސް ކޮމިޝަނުން ވަނީ އިލްތިމާސްކުރައްވާފައެވެ.