މިއަދު ކުރިއަށްދާ ރިޔާސީ އިންތިޚާބުގެ ވޯޓުލުން ކުރިއަށް ދިޔަ ބައެއް ވޯޓު ފޮށިތައް ބަންދުކޮށް ގުނުމަށް ތައްޔާރު ވެއްޖެއެވެ.
މިއަދު ހެނދުނު 8 ޖެހުމާއެކު މާލެއާއި އަތޮޅުތަކުގައި ވޯޓުލުމުގެ ކަންކަން ވަނީ ފަށާފައެވެ. ރިޔާސީ އިންތިޚާބުގެ ވޯޓުލުން މިއަދު ހެނދުނު 8 ފެށިގެން ހަވީރު 4 ޖެހުމާއި ހަމައަށް ކުރިއަށްދިޔައީ ވަރަށް އަމާން ކަމާއިއެކުގައެވެ.
ހަވީރު ހަތަރެއް ޖެހުމާއެކު ކިޔުގައި ތިބި ހުރިހާ ފަރާތްތަކަށް ފުރުސަތުދޭން އިލެކްޝަނުން ވަނީ ނިންމާފައެވެ.
ވޯޓުލުމުގެ ވަގުތު އިލެކްޝަންސް ކޮމިޝަނުން އިތުރު ނުކުރާނެ ކަމަށް އެ ކޮމިޝަނުން ވަނީ ބުނެފައެވެ.