ފެންނަން އޮތީ އަލި ސާފު މަންޒިލެއް ކަމަށާއި ރައްޔިތުން ގޮތް ނިންމައިފި ކަމަށް ކުރީގެ ނައިބު ރައީސް ޑރ މުހައްމަދު ޖަމީލް އަހުމަދު ވިދާޅުވެއްޖެއެވެ.
ހޮނިހިރު ދުވަހު ބޭއްވި ރިޔާސީ އިންތިހާބުގެ ފުރަތަމަ ބުރުން އެންމެ ގިނަ ވޯޓު ލިބިގެން އިދިކޮޅުގެ ރިޔާސީ ކެންޑިޑޭޓު ޑރ މުހައްމަދު މުއިއްޒު ވަނީ ދެވަނަ ބުރަށް ވަޑައިގެންގައެވެ.
މިކަމާއި ގުޅިގެން ކުރެއްވި ޓުވީޓެއްގައި ޑރ ޖަމީލް ވިދާޅުވީ ރައްޔިތުންގެ ކޯޓުން މިނިންމީ ރައީސް ޔާމީނުގެ ގައުމީ ޖިހާދުގެ ތެދުކަން ކަމަށެވެ.
އަދި ކޯޓުތައް މެދުވެރިކޮށް ސިޔާސީ ލީޑަރުން އިންތިޚާބުން އެއްކިބާކުރުމަކީ ގައުމީ ޖަރީމާއެއްކަން ސާބިތުވެއްޖެ ކަމަށް ޖަމީލު ވިދާޅުވިއެވެ.
“ ރައީސް ޔާމީން ވަގުތުން ދޫކޮށްލަންވީ.ދެން ނުހިފެހެއްޓޭނެ. “ ޖަމީލް ވިދާަޅުވިއެވެ.
