ރިޔާސީ އިންތިހާބުގެ ދެވަނަ ބުރުގެ ވޯޓުލުން ކުރިއަށްދާއިރު މިހާތަނަށް ދެލައްކަ އެކާވީސް ހާސް ހަތަރު ސަތޭކަ ނުވަދިހަ ހަ މީހުން ވޯޓުލައިފިއެވެ.
އެގޮތުން އިލެކްޝަނުން ދާދި ދެންމެ އަކު ވަނީ މިއަދުގެ ހަތަރެއް ޖެހުމާ ހަމައަށް ވޯޓުލީ މީހުންގެ ތަފާސް ހިސާބު އާއްމުކޮށްފައެވެ.
މިއީ ވޯޓުލެވޭ މީހުންގެ އާބާދީގެ %78.32 މީހުންނެވެ. އިލެކްޝަނުން ބުނީ ވޯޓުނުލާ މިހާރު ތިބީ 61،308 މީހުން ކަމަށެވެ.
އެއީ ވޯޓުލެވޭ މީހުންގެ އާބާދީގެ %21.68 މީހުންނެވެ.
ވޯޓުލީ އަންހެނުންގެ އަދަދަކީ 111،273 މީހުންނެވެ.
ވޯޓުލީ ފިރިހެނުންގެ އަދަދަކީ 110،223 މީހުންނެވެ.
ވޯޓުލުމުގެ ހައްގު ޖުމްލަ 282،804 މީހުންނަށް ލިބިގެންވެއެވެ.
ވޯޓުލުން ކުރިއަށް ދާނީ މިއަދު ހަވީރު 17:00 ޖަހަންދެންނެވެ.