ރިޒްކަލްޓަން ރިސޯޓް ކައިިރީގައި އޮތް ޔޮޓެއްގައި އަލިފާނުގެ ހާދިސާއެއް ހިނގައިގެން އެމްއެންޑީއެފް ފަޔަރ އެންޑް ރެސްކިޔު ސަރވިސްއިން ހަރަކާތްތެރިވާން ފަށައިފިއެވެ.
އެމްއެންޑީއެފުން ބުނީ މި ހާދިސާގެ ރިފޯޓް ލިބިފައިވަނީ މިއަދު ހެނދުނު 07:37 ހާއިރު ކަމަށެވެ.
އަދި ސަފާރީގައި ތިބި ޓޫރިސްޓުންނާއި ކުރޫއިން އެހެންލޯންޗަކަށް ނަގާފައިވާ ކަމަށާއި މީހަކަށް އެއްވެސް އަނިޔާއެއް ލިބުނު ކަމުގެ ރިޕޯޓެއް މިހާތަނަށް ނުލިބޭކަމުގެ މައުލޫމާތު ވަނީ ލިބިފައި ކަމަށްވެސް އެމްއެންޑީއެފުން ހާމަކުރެއެވެ.
އަލިފާން ރޯވުމާއެކު، ޔޮޓުގައި ތިބި ފަތުރުވެރިންނާއި ކުރޫއިން އެހެން ލޯންޗަކަށް ނަގާފައިވާ ކަމަށާއި އަލިފާނުގެ ހާދިސާގައި އެއްވެސް މީހަކަށް އަނިޔާއެއް ލިބުނު ކަމުގެ ރިޕޯޓު މިހާތަނަށް އައިއިރު ނުލިބޭ ކަމަށް ވެސް އެމްއެންޑީއެފް އިން ބުންޏެވެ.
އަލިފާން ރޯވެފައިވަނީ ސްމާޓް އޯން ކިޔާ ކުންފުންޏަކުން އޮޕަރޭޓްކުރާ “ މެޖެސްޓީ 62 “ ޔޮޓުގައެވެ.
މި ހާދިސާ ހިނގަން މެދުވެރިވި ސަބަބު އަދި ވަނީ ޔަގީންވާ ގޮތް ނުވެފައެވެ.