ޕްރޮގްރެސިވް ކޮންގްރެސް ކޯލިޝަންގެ ލީޑަރު އަދި ރައީސުލްޖުމްހޫރިއްޔާ ޑރ.މުޙައްމަދު މުޢިއްޒު ބައިވެރިވެވަޑައިގަންނަވާ ހާއްސަ ޖަލްސާއެއް މިރޭ ބާއްވަން ނިންމައިފިއެވެ.
ޕީޕީއެމްއިން ބުނީ މި ޖަލްސާ އޮންނާނީ މިރޭ 20:15 ގައި ދަރުބާރުގޭ ރަންނަބަނޑޭރި މާލަމުގައި ކަމަށެވެ.
”ޕްރޮގްރެސިވް ކޮންގްރެސް ކޯލިޝަންގެ ލީޑަރު ރައީސުލްޖުމްހޫރިއްޔާ ޑރ.މުޙައްމަދު މުޢިއްޒު ބައިވެރިވެވަޑައިގަންނަވާ ޕްރޮގްރެސިވް ކޮންގްރެސް ކޯލިޝަންގެ ޚާއްސަ ޖަލްސާއަށް ވަޑައިގެން ދެއްވުން އެދި ދައުވަތު އަރުވަމެވެ.” ޕީޕީއެމްއިން އާންމުކުރި ޕޯސްޓެއްގައި ބުނެފައިވެއެވެ.
އަދި މި ޖަލްސާއަށް އަންނައިރު ކަނބަލުން ޕާޓީ ކުލައިގެ ހެދުމެއް އަދި ފިރިހެނުން ހުދު ގަމީހަކާއެކު ޕާޓީ ކުލައިގެ ޓައީއެއް އެޅުމަށް ވަނީ އެދިފައެވެ.
މިއީ ރައީސް ޑރ.މުޢިއްޒު ވެރިކަމާ ހަވާލުވެވަޑައިގެންނެވި ފަހުން ޕީޕީއެމް ޕީއެންސީއިން ބާއްވާ މިފަދަ ފުރަތަމަ ޖަލްސާއެވެ.