އަންނަ މަހު ބާއްވާ ރައްޔިތުންގެ މަޖިލީހުގެ އިންތިހާބުގެ ކަންކަމުގައި ޕްރޮގްރެސިވް ކޮންގްރެސް ކޯލިޝަން ތަމްސީލުކުރައްވަން އިސް ތަރުޖަމާނަކު ހަމަޖައްސައިފި އެވެ.
ޕްރޮގްރެސިވް ކޯލިޝަންގެ ރަސްމީ އެކްސް އެކައުންޓުން ކުރި ޕޯސްޓެއްގައި ބުނެފައިވަނީ 20 ވަނަ ރައްޔިތުންގެ މަޖިލީހުގެ އިންތިޚާބުގެ ކަންކަމުގައި ޕްރޮގްރެސިވް ކޮންގްރެސް ކޯލިޝަން ތަމްސީލުކުރައްވާ ޗީފް ސްޕޯކްސް ޕާސަން ކަމުގެ މަޤާމަށް ހީނާ ވަލީދު މިއަދު އައްޔަނުކުރައްވާފައިވާ ކަމަށެވެ.
ހީނާ ވަލީދު ގެންދަވަނީ މިހާރުވެސް ޕްރޮގްރެސިވް ކޯލިޝަންގައި ހިމެނޭ ޕީޕީއެމްގެ ތަރުޖަމާނުކަންވެސް ކުރައްވަމުންނެވެ.
ރައްޔިތުންގެ މަޖިލީހުގެ އިންތިހާބު ބޭއްވުމަށް ނިންމާފައިވަނީ 21 އެޕްރީލްވާ އާދިއްތަ ދުވަހުއެވެ.
ނޫސްވެރިކަމުގެ ދާއިރާގައި ގިނަ ދުވަސްތަކެއް ވަންދެން މަސައްކަތްކުރު ހީނާ އަކީ މިހާރު އެންސްޕާގެ ސީއީއޯ ވެސްމެއެވެ.
