ހަމަޖެހުމާއި އިންސާފުވެރިކަމާއެކީގައި ތަރައްގީއައިގެން ކުރިއަށް ދިއުމަކީ ރައްޔިތުންނަށް އެންމެ ހެޔޮ ގޮތް ކަމަށް ރައީސުލްޖުމުހަުރިއްޔާ ޑރ މުހައްމަދު މުއިއްޒު ވިދާޅުވެއްޖެއެވެ.
ރައީސް މިގޮތަށް ވިދާޅުވީ ރައްޔިތުންގެ މަޖިލީހުގެ އިންތިހާބުގައި ވާދަކުރައްވާ ގަލޮޅު އުތުރު ދާއިރާގެ ކެންޑިޑޭޓު އާނަގެ ކެމްޕެއިން ޖަލްސާގައި ވާހަކަފުޅު ދައްކަވަމުންނެވެ.
ރައީސް ވިދާޅުވީ 21 އެޕްރީލްގައި ދޭ ވޯޓަކީ މިނިވަންކަމާއި އަޅުގަނޑުމެންގެ އަމިއްލަވަންތަކަމަށްޓަކައި ދޭ ވޯޓަކަށް ހެދުމަކީ މުހިންމު ކަމެއް ކަމަށެވެ.
އަދި މިވަގުތު ރައްޔިތުން އިސްކުރަންވީ ގައުމާއި ރަށް ކަމަށާއި އާއްމު މަސްލަހަތު ނަގަހައްޓާއި ސަރުކާރުން އެދޭގޮތަށް ނަތީޖާ ނެރެދިނުމަށް މަސައްކަތް ކޮށްދެއްވުމަށް ތަކުރާރުކޮށް ރައީސް އެދިވަޑައިގެންނެވިއެވެ.
“ ރައްޔިތުން ބޭނުންވަނީ ކަންކަންވާން. ރައްޔިތުން ސަރުކާރެއް ހޮވަނީ ކަންކަން ކުރަން. އެހެންވީމަ ސަރުކާރަށް އެއްބާރުލުންދިނީމަ ކަންވާނެ. ސަރުކާރު މިއޮތީ ކަންކުރަން އައިސް. އަޅުގަނޑު ނަތީޖާ ނެރެދޭނަން ކޮންމެ ކަމެއްގައިވެސް “ ރައީސުލްޖުމުހޫރިއްޔާ ވިދާޅުވިއެވެ.
މީގެއިތުރުން ސަރުކާރުން މުޅިރާއްޖޭގެ ތަރައްގީއަށް ތަފާތު ކުރުމެއް ނެތި ކުޑަރަށެއް ބޮޑުރަށެއް ބެލުމެއް ނެތި ކުރަން މިހަރަ ކަންކަމުގައި ރައްޔިތުން އެއްބާރުލުން ދިނުމަށް ރައީސް ވަނީ ތަކުރާރުކޮށް އެދިވަޑައިގެންފައެވެ.
