އިދިކޮޅު މެންބަރަކު ހުރުމުން މިދިޔަ ފަސް އަހަރު މާވަށަށް ކަމެއް ކޮށް ނުދެވުނުކަމަށް ކުރީގެ ރައީސް އިބްރާހިމް މުހައްމަދު ސޯލިހު ވިދާޅުވި ބަސްފުޅަށް މާވަށު ދާއިރާގެ ކުރީގެ މެމްބަރު އަދި މިހާރުގެ އިކޮނޮމިކް މިނިސްޓަރ ސައީދު ވަރުގަދަ ބަހުގެ ހަމަލާތަކެއް ދެއްވައިފި އެވެ.
އެގޮތުން “އެކްސް”ގައި މިނިސްޓަރ ސައީދުވަނީ އަމިއްލަ އިޢުތިރާފުން ކަމެއް ނުކުރެވުނުކަމަށް ވިދާޅުވާއިރު 65 ގޮނޑީގެ ސްޕާމެޖޯރިޓީ ލެއްވީ ކޮންތާކަށްތޯ؟ ވިދާޅުވެ ސުވާލު އުފައްދަވާފަ އެވެ. 5 އަހަރު ނިމިގެން ދިޔައިރު މުޅި ދައުލަތް އޮތީ ކުރީގެ ރައީސް ސޯލިހުގެ އަތްޕުޅުގައި ކަމަށްވެސް ސައީދު ވަނީ ވިދާޅުވެފަ އެވެ.
“ދުނިޔޭގެ ބައެއްބައްރު ތަކުން މަދުންނަމަވެސް ފާހަގަވާކަމެއްމިއީ ވެރިކަމުން ފައިބާފަހުން މިކަހަލަ އަލާމާތް ބައެއް މީހުންގެ ކިބައިން ފާހަގަވުން.” ސޯލިހުގެ ދެއްކެވި ވާހަކަފުޅުގެ ވީޑިޔޯކޮޅެއް ޝެއާކުރައްވަމުން މިނިސްޓަރ ސައީދު ވިދާޅުވެފައި ވެއެވެ.
ރައްޔިތުންގެ މަޖިލީހުގެ އިންތިހާބުގެ ކެމްޕެއިންގައި ލ މާވަށު ރައްޔިތުންނާއި ބައްދަލުކުރައްވާ ވާހަކަފުޅު ދައްކަވަމުން ކުރީގެ ރައީސް ސޯލިހު ވިދާޅުވީ، ނިމިދިޔަ ފަސް އަހަރު އެ ސަރުކާރުގައި މާވަށު ދާއިރާގައި މަސައްކަތްތަކެއްފެށި ނަމަވެސް ރައްޔިތުން ބޭނުންވާ ބާރު މިނުގައި އެ މަސައްކަތްތައް ނިންމާލެވޭގޮތެއްނުވި ކަމަށެވެ.
އަދި ސޯލިހު ވަނީ މާވަށު ދާއިރާ ތަމުސީލު ކުރުމަށްޓަކައި ރައްޔިތުން ހޮވީ އިދިކޮޅު ކެންޑިޑޭޓެއް ކަމަށާއި އެހެންވުމުން ކަންކަން ކުރުމުގައި ގިނަ ދަތިތަކެއް ކުރިމަތިވި ކަމަށްވެސް ވިދާޅުވެފައެވެ.
އިބުރާހިމް ސާލިހުގެ މިވާހަކައިން ބުނެދެނީ މަޖުލިސްގެ ގޮޑިއަށް އިންތިޚާބުކުރަންވާނީ ސަރުކާރަށް ތާއިދުކުރާ މީހަކަށްކަމަށް . އިދިކޮޅަށް ނޫނެކޭ ބުނުމަށް .